Post News Media ព័ត៌មានជាតិ រថយន្ត FUSO ប...

រថយន្ត FUSO បើកធ្លាក់ផ្លូវ កៀបតៃកុងស្លាប់យ៉ាងរន្ធត់!

ព្រះសីហនុ: ករណីគ្រោះថ្នាក់ចរាចរណ៍ បុរសម្នាក់បើករថយន្តធ្លាក់ផ្លូវ បណ្ដាលឲ្យស្លាប់ដោយខ្លួនឯង កាលពីវេលាម៉ោង ១១ និង២៥នាទីយប់ថ្ងៃទី២៥ ខែកុម្ភ: ឆ្នាំ២០១៩ លើផ្លូវជាតិលេខ៤ ចន្លោះគីឡូម៉ែត្រលេខ១៦៨-១៦៩ ភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ។

រថយន្តខាងលើ ម៉ាក FUSO ពណ៌ត្រួយចេកចាស់ ពាក់ស្លាកលេខ ភ្នំពេញ 3A-48 73 បើកបរដោយឈ្មោះ មុត សុភូមិ ភេទប្រុស អាយុ ២៤ឆ្នាំ មានទីលំនៅ ភូមិពង្រធំ ឃុំការហែង ស្រុកសំរោងទង ខេត្តកំពង់ស្ពឺ ធ្វើដំណើរពីខេត្តព្រះសីហនុទៅភ្នំពេញ មកដល់ចំណុចខាងលើ ស្រាប់តែរថយន្ត បើកធ្លាក់ចិញ្ចើមផ្លូវ បន្ទាប់មករេចង្កូតចុះឡើង ក៏ជ្រុលក្បាលរថយន្តធ្លាក់ទៅខាងឆ្វេងដៃ។

ហេតុការណ៍នេះ បានបណ្តាលឲ្យអ្នកបើកបររថយន្តខាងលើ ស្លាប់ដោយសារកៀបជាប់ នៅក្នុងរថយន្ត៕

Loading...