Post News Media ព័ត៌មានជាតិ សមត្ថកិច្ច​ឃា...

សមត្ថកិច្ច​ឃាត់ខ្លួន​ជនសង្ស័យ​ម្នាក់​ ករណីរំលោភ នៅ​បរិវេណ​ផ្សារ​ទំនើប​ឧកញ៉ា​ភួ​ពុ​យ​

បាត់ដំបង: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា​ អនុវត្ត​ដីកា​ឃាត់ខ្លួន​ជនសង្ស័យ​ម្នាក់​ ពី​បទ​រំលោភ​សេពសន្ថវ:​ ជាមួយ​អនីតិជន​ ស្ថិត​នៅ​បរិវេណ​ផ្សារ​ទំនើប​ឧកញ៉ា​ភួ​ពុ​យ​ ចំណុច​ការដ្ឋាន​សាងសង់​ផ្ទះល្វែង ​ស្ថិត​នៅ​ក្នុងភូមិ​អញ្ចាញ​ សង្កាត់​អូរ​ចារ​ ក្រុង​បាត់ដំបង​ ខេត្តបាត់ដំបង​។​ ហេតុការណ៍​ឃាត់ខ្លួន​ ធ្វើ​ឡើង​កាលពី​ ថ្ងៃ​ទី​២៥​ ខែ​កុ​ម្ភ: ឆ្នាំ​២០១៩​ វេលា​ម៉ោង​ ១០ និង៥០​នាទី​។​

​យោង​តាមរ​បាយការណ៍​របស់​ កម្លាំង​ជំនាញ​ នៃ​ការិយាល័យ​ព្រហ្មទណ្ឌ​កម្រិត​ធ្ងន់​ ផ្នែក​អនុវត្ត​ដីកា​ នៃ​ស្នងការដ្ឋាន​នគរបាល​ខេត្ត​ បាន​ចុះ​អនុវត្ត​ដីកា​បង្គាប់​ឲ្យ​នាំ​ខ្លួន​លេខ​ ៤៣​ ត​/​ព្រ​ ចុះ​ថ្ងៃ​ទី​២២​ ខែកុម្ភ:​ ឆ្នាំ​២០១៩​ របស់​ចៅក្រម​ស៊ើបសួរ​ ជុំ​.​សង្វា​ នៃ​សាលាដំបូង​ខេត្តបាត់ដំបង​ ឲ្យ​នាំ​ខ្លួន​ឈ្មោះ​ ព្រឿ​ង​.​សុវណ្ណ​ ភេទ​ប្រុស​ អាយុ​ ៣៩​ឆ្នាំ​មាន​ទីលំនៅ​ភូមិ​ស្វាយ​ជ្រុំ​ ឃុំ​អូរ​ដំបង​២​ ស្រុក​សង្កែ​ ខេត្តបាត់ដំបង​ ពី​បទ​រួម​ភេទ​ជាមួយ​អនីតិជន​អាយុ​ក្រោម​ ១៥​ឆ្នាំ​ ប្រព្រឹត្ត​នៅ​ចំណុច​ភូមិ​ស្វាយ​ជ្រុំ​ ឃុំ​អូរ​ដំបង​២​ ស្រុក​សង្កែ​ ខេត្តបាត់ដំបង​ កាលពី​អំឡុង​ឆ្នាំ​ ២០១៦​។​

បច្ចុប្បន្ន​ ជនសង្ស័យ​ត្រូវ​បាន​សមត្ថកិច្ច​បញ្ជូន​ខ្លួន​ទៅ​សាលាដំបូង​ខេត្ត​ ដើម្បី​ចាត់ការ​បន្ត​តាម​នីតិវិធី​ច្បាប់​៕​

Loading...