ប្រធានាធិបតីឥណ្ឌូណេស៊ី លោក ចូកូ វីដូដូ មានសុទិដ្ឋិនិយមថា រថភ្លើងដឹកទំនិញធុនស្រាល (LRT) ដែលផលិតដោយក្រុមហ៊ុន PT INKA (Persero) ដែលគ្រប់គ្រងដោយរដ្ឋអាចត្រូវបាននាំចេញទៅកាន់ប្រទេសផ្សេងៗទៀត។
លោកបានធ្វើសេចក្តីថ្លែងការណ៍នេះនៅពេលដែលលោកកំពុងពិនិត្យមើលគម្រោងស្ថានីយ៍រថភ្លើង LRT ដែលតភ្ជាប់ទីក្រុងចំនួន ៤ នៅក្នុងរដ្ឋធានីហ្សាការតា ដោយក្នុងនោះរួមមានរដ្ឋធានីហ្សាកាតា ទីក្រុងBogor ទីក្រុង Depok និងទីក្រុង Bekasi កាលពីថ្ងៃទី ៩ ខែមិថុនា។
លោកបាននិយាយថា ប្រទេសឥណ្ឌូណេស៊ីបាននាំចេញរថភ្លើងទៅកាន់ប្រទេសបង់ក្លាដែស និងហ្វីលីពីន ដោយលោកបាននិយាយបន្ថែមថា លោកមានសុទិដ្ឋិនិយមថា រថភ្លើងប្រភេទ LRT ក៏នឹងត្រូវបានធ្វើការនាំចចេញដូចគ្នានេះដែរ។
ប្រទេសឥណ្ឌូណេស៊ីគ្រោងនឹងដាក់រថភ្លើងប្រភេទ Jabodebek LRT ឱ្យដំណើរការនៅពាក់កណ្តាលឆ្នាំ ២០២២។ រថភ្លើង LRT ត្រូវបានផលិតដោយក្រុមហ៊ុន PT INKA ខណ:ដែលក្រុមហ៊ុន PT Adhi Karya ត្រូវបានប្រគល់ភារកិច្ចឱ្យធ្វើការសាងសង់រថភ្លើង LRT ។
លោកប្រធានាធិបតីបានសង្កត់ធ្ងន់ថា ឧស្សាហកម្មរបស់ឥណ្ឌូណេស៊ីតម្រូវឱ្យមានបទពិសោធន៏ក្នុងការសាងសង់រថភ្លើងប្រភេទ LRT។
រហូតមកដល់បច្ចុប្បន្ននេះ ការសាងសង់រថភ្លើងប្រភេទ Jabodebek LRT បានឈានដល់ ៨៤,៧ភាគរយហើយ។ វានឹងត្រូវបានដាក់ឱ្យប្រតិបត្តិការសាកល្បងនៅខែមេសា ឆ្នាំ ២០២២ ហើយនឹងចាប់ផ្តើមដំណើរការជាផ្លូវការនៅពីរខែក្រោយ។
យោងតាមក្រុមហ៊ុន PT. KAI ដែលជាប្រតិបត្តិកររបស់រថភ្លើងប្រភេទ Jabodebek LRT បានឱ្យដឹងថាមានរថភ្លើងចំនួន ៦ នៅក្នុងស៊េរី LRT នីមួយៗ។ ស៊េរីនីមួយៗ ជាធម្មតាមានលទ្ធភាពផ្ទុកអ្នកដំណើរបាន ៧៤០នាក់ ហើយអាចផ្ទុកអ្នកដំណើររហូតដល់ទៅ ១ ៣០៨នាក់ក្នុងរយ:ពេលច្រើនម៉ោង។
វាត្រូវបានរចនាឡើងដើម្បីឱ្យមានល្បឿន ៩០គីឡូម៉ែត្រក្នុងមួយម៉ោង ខណ:ដែលល្បឿនប្រតិបត្តិការអតិបរមាឈានដល់ ៨០គីឡូម៉ែត្រក្នុងមួយម៉ោង៕
មតិយោបល់