Post News Media ព័ត៌មានជាតិ បន្សល់ទុកបណ្ដ...

បន្សល់ទុកបណ្ដាំមួយច្បាប់​!​ ព្រោះតែ​ល្បែង ជនជាតិ​កូរ៉េ​ម្នាក់​ចងក​សម្លាប់​ខ្លួន​

បន្ទាយមានជ័យ: យោងតាមផេកអគ្គស្នងការដ្ឋាននគរបាលជាតិ ​បានឲ្យដឹងថា សព​បុរស​ជនជាតិ​កូរ៉េ​ម្នាក់ ​ត្រូវ​បាន​គេ​ប្រទះ​ឃើញ​ចងក​សម្លាប់​ខ្លួន​ ហើយ​បាន​បន្សល់​ទុក​ លិខិត​១​ច្បាប់​ ក្នុង​ខ្លឹមសារ​លិខិត​គឺ​សុំ​ទោស​ម្ដាយ ​និង​ប្រពន្ធ​កូន​ជាទី​ស្រលាញ់​របស់​ខ្លួន​ថា​ បាន​លុង​និង​ល្បែង​បណ្តាល​ឲ្យ​ចាញ់​អស់់​នូវ​ថវិកា​ជា​ច្រើន​។​

​ករណី​នេះ បាន​បង្ក​ការ​ភ្ញាក់ផ្អើល​ កាលពី​វេលា​ម៉ោង​១២ ​ថ្ងៃត្រង់​ ថ្ងៃ​ទី​២៦​ ខែកុម្ភ:​ឆ្នាំ​ ២០១៩​ ក្នុង​បុរី​ធី​ធី​ នៅ​ភូមិ​អូរ​ជ្រៅ​ សង្កាត់​ប៉ោយ​ប៉ែ​ត​ ក្រុង​ប៉ោយ​ប៉ែ​ត​។​

​ដោយឡែក​សមត្ថកិច្ច​មូលដ្ឋាន​ក៏​បាន​ចុះ​ទីតាំង​កើតហេតុ​បាន​បញ្ជាក់​ឲ្យ​ដឹង​ថា​ ជន​រង​គ្រោះ​មាន​ឈ្មោះ​ លោក​ អ៊ី​ម​ អាយុ​ ៦០​ឆ្នាំ​ ​ជនជាតិ​កូរ៉េ​ខាងត្បូង​ ស្នាក់​នៅ​ក្នុង​បុរី​ធី​ធី​ដែល​ជួល​ម្ចាស់ផ្ទះ​ឈ្មោះ​ លី​ ហួ​ ប្រពន្ធ​ឈ្មោះ​ សុខ​ ខឿន​។​

​នៅ​ក្នុង​សំបុត្រ​ដែល​ជន​រង​គ្រោះ​សរសេរ​មុន​ពេល​ស្លាប់មាន​ខ្លឹមសារ​ថា​ (​ឲ្យ​ខ្ញុំ​សុំ​ទោស​ម៉ែ​ សុំ​ទោស​ប្រពន្ធ​ និង​កូន​ ជាទី​ស្រឡាញ់​ដែល​កន្លង​មក​បាន​បំផ្លាញ​ក្រុម​គ្រួសារ​ ហើយ​វា​ដល់​ពេល​ដែល​ខ្ញុំ​ត្រូវធ្វើ​អ្វី​ម្យ៉ាង​ តែ​ក្នុង​សំ​ណេរ​លើ​សំបុត្រ​នេះ​ជា​សំបុត្រ​ចុង​ក្រោយ​ដែល​ខ្ញុំ​និង​ចាកចេញ​ឲ្យ​ឆ្ងាយ​ ពី​អ្នក​រាល់គ្នា​…)​។​

​អ្នកបកប្រែ​បាន​ឲ្យ​ដឹង​ថា​ មុន​ពេល​កើតហេតុ​ជន​រង​គ្រោះ​ និង​មិត្តភក្តិ​ម្នាក់​ទៀត​ បាន​ត្រលប់​មក​ពី​លេងល្បែង​នៅ​កាស៊ីណូ​ កាលពី​ព្រឹក​ថ្ងៃ​កើតហេតុ​ អស់កម្លាំង​ពេក​មិត្តភក្តិ​បាន​ឡើង​ទៅ​ដេក​នៅ​ខាងលើ​ ស្រាប់តែ​ម៉ោង​១២​ថ្ងៃត្រង់​ទឹក​ដាច់​ ក៏​ចុះ​មក​មើល​ប្រព័ន្ធ​ទឹក​ខាងក្រោម​ ក៏​ឃើញ​ជន​រង​គ្រោះ​ចងក​សម្លាប់​ខ្លួន​ ទើប​ស្រែកហៅ​អ្នក​ជិតខាង​ប្តឹង​សត​ម្ថ​កិច្ច​តែ​ម្តង​។​

នគរបាល​បច្ចេកទេស​កោសល្យ​វិ​ច្ច័​យ​បាន​ឲ្យ​ដឹង​ថា​ សព​ពិតជា​បាន​ចងក​ធ្វើ​អត្តឃាត​ខ្លួនឯង​មែន​ ដោយ​ពុំ​មាន​ស្លាកស្នាម​អ្វី​នៅ​លើ​ដងខ្លួន​ឡើយ​។​ សព​ត្រូវ​បាន​យក​ទៅ​តម្កល់​នៅ​វត្ត​បា​លិ​លេ​យ្យ​ ដើម្បី​ឲ្យ​ទូត​ ចាត់ចែង​រក​សាច់ញាតិ​បន្ត​៕

Loading...