ភ្នំពេញ: រថយន្ដកុងតឺន័រមួយគ្រឿង បានឈប់នៅតាមផ្លូវ ត្រូវ PassApp បើកមិនប្រយ័ត្នបុកពីក្រោយ បណ្តាលឲ្យរងរបួសធ្ងន់ចំនួន៥នាក់ នៅយប់ថ្ងៃទី២៧ ខែកុម្ភ: ឆ្នាំ២០១៩ តាមបណ្ដោយផ្លូវ សហព័ន្ធរុស្ស៊ីទល់មុខ ព្រលានយន្តហោះអន្តរជាតិភ្នំពេញ ពោធិ៍ចិនតុងក្នុង ភូមិចម្ការឪឡឹក សង្កាត់កាកាបទី១ ខណ្ឌពោធិ៍សែនជ័យ។
រថយន្ដកុងតឺន័រខាងលើ ពណ៌ស ពាក់ស្លាកលេខ ព្រះសីហនុ 3A-1185 ឈប់ស្របទិសលើចិញ្ចើមផ្លូវ។ ចំណែកម៉ូតូកង់បីឥណ្ឌា (PassApp) ពណ៌ស ពាក់ស្លាកលេខ កំពង់ចាម1U-0387 បើកបរពីលិចទៅកើតស្របគ្នា។ មកដល់ចំណុចកើតហេតុ ម៉ូតូកង់បី បើកមិនប្រយ័ត្ន ក៏បុករថយន្តពេញទំហឹងតែម្តង បង្កឲ្យមនុស្ស៥នាក់រងរបួសធ្ងន់។
ក្រោយពេលកើតហេតុ សមត្ថកិច្ចចរាចរណ៍ខណ្ឌពោធិ៍សែនជ័យ បានប្រគល់ឲ្យសមត្ថកិច្ចចរាចរណ៍រាជធានីភ្នំពេញ ដើម្បីធ្វើការវាស់វែងហើយយករថយន្តកុងតឺន័រ និងម៉ូតូកង់បីខាងលើ យកទៅរក្សាទុក ដើម្បីរងចាំដោះស្រាយថ្ងៃក្រោយ៕
មតិយោបល់