ភ្នំពេញៈ ស្ត្រីម្នាក់ បានស្លាប់ភ្លាមៗនៅកន្លែងកើតហេតុ ខណៈកំពុងដើររើសអេតចាយនៅលើដងផ្លូវ ក៏ត្រូវរថយន្តមួយគ្រឿងបុកនិងកិន កាលពីវេលាម៉ោង ៣និង៤០នាទីរសៀលថ្ងៃទី១៣ ខែមិនា ឆ្នាំ២០១៩ ត្រង់ចំណុចមុខផ្ទះលេខ១Eo លើកំណាត់ផ្លូវលេខ១៣៤ សង្កាត់មិត្តភាព ខណ្ឌ៧មករា រាជធានីភ្នំពេញ។
ជនរងគ្រោះមានឈ្មោះ ចាន់ រត្ន័ អាយុ៤៥ឆ្នាំ ស្នាក់នៅភូមិ-ឃុំកញ្ច្រៀច ស្រុកស្វាយអន្ទរ ខេត្តព្រៃវែង មុខរបរ ដើររើសអេតចាយ។
រថយន្តបង្កម៉ាក សាំយ៉ុង ពណ៌ស ពាក់ស្លាកលេខកំពង់ស្ពឺ 2B-4474 បើកបរដោយឈ្មោះ នឿន ផាឌិន ភេទប្រុស អាយុ២៥ឆ្នាំ ស្នាក់ភូមិកៃជាវ ឃុំជង្រុក ស្រុកគងពិសី ខេត្តកំពង់ស្ពឺ មុខរបរបើកបរ។
ក្រោយកើតហេតុ រថយន្ត និងអ្នកបើកបរ ត្រូវបានសមត្ថកិច្ចឃាត់ខ្លួន យកទៅកាន់ការិយាល័យចរាចរណ៍ជើងគោក រាជធានីភ្នំពេញ ដើម្បីចាត់ការតាមនីតិវិធី។
សូមបញ្ជាក់៖ ករណីនេះ ភ្នាក់ងារសារព័ត៌មាន Post News ឃើញសមត្ថកិច្ច ក៏ទៅសួរនាំ ដើម្បីចង់បានព័ត៌មានលម្អិត ស្រាប់តែមន្ត្រីចរាចរណ៍ក្រុងម្នាក់ បានដេញអ្នកសារព័ត៌មានមិនឲ្យទៅជិត ហាក់បីដូចជាលាក់បាំងព័ត៌មាន។ យ៉ាងណាមិញ ករណីនេះ ភ្នាក់ងារព័ត៌មាន សូមសុំណូមពរឲ្យលោកប៉ូលិសចរាចរណ៍ក្រុង ប្រើកាយវិការឲ្យសមរម្យផង៕
មតិយោបល់