ត្បូងឃ្មុំ: យោងតាមផេកអគ្គស្នងការនគរបាលជាតិបានឲ្យដឹងថា នៅវេលាម៉ោង៩និង ៤៥នាទីព្រឹក ថ្ងៃទី១៥ ខែមិនា ឆ្នាំ២០១៩ លើផ្លូវជាតិលេខ៧ត្រង់ចំណុច ចន្លោះបង្គោលគីឡូម៉ែត្រលេខ១៣៤_ ១៣៥ស្ថិតនៅភូមិម្រាមទាក ឃុំជីរោទ៍ទី២ ស្រុកត្បូងឃ្មុំ ខេត្តត្បូងឃ្មុំ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូនិងរថយន្តក្នុងដំណើរទិសដៅបញ្ច្រាសគ្នាបណ្តាលឲ្យមនុស្សពីរនាក់រងរបួសធ្ងន់។
ជនរងគ្រោះ ដែលបើកបរម៉ូតូមានឈ្មោះ ភៀន សុផា ភេទប្រុស អាយុ១៩ឆ្នាំ ជាតិខ្មែរ មានទីលំនៅភូមិ អន្លង់ពោង ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ រីឯអ្នករួមដំណើរមានឈ្មោះ អឿយ សុបញ្ញា ភេទប្រុស អាយុ ១៦ឆ្នាំ ជាតិខ្មែរ នៅភូមិទន្លេបិទ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ រីឯម៉ូតូម៉ាកហុងដាឌ្រីម ពណ៌ខ្មៅ ពាក់ ស្លាកលេខ ត្បូងឃ្មុំ 1D-7298។
តាមប្រភពពីព័ត៌មាននៅកន្លែងកើតហេតុបានឲ្យដឹងថា នៅវេលាដូចខាងលើជនរងគ្រោះបានជិះម៉ូតូដឹកគ្នាពេលបើកបរដល់កន្លែងកើតហេតុបានបើកជែងហើយទៅបុក ជាមួយរថយន្តម៉ាកIsuzu ពណ៌ស ពាក់ស្លាកលេខ ភ្នំពេញ 2AQ-9057ក្នុងដំណើរបញ្ច្រាស់ទិសគ្នា។ រីឯរថយន្តបើកបរដោយឈ្មោះ ហម រតន: ភេទប្រុស អាយុ ២៩ឆ្នាំ ជាតិខ្មែរ មានទីលំនៅភូមិព្រៃសកើត សង្កាត់ព្រៃសខណ្ឌ ដង្កោ រាជធានីភ្នំពេញបណ្ដាលឱ្យអ្នកបើកបរម៉ូតូនិងអ្នករួមដំណើររងរបួសធ្ងន់ទាំងពីរ៕
មតិយោបល់