តាកែវៈ កញ្ញា វ៉ែន ចរិយា និងក្រុមការងារមនុស្សធម៌ រួមនិងលោកស្រី នូ សុវណ្ណនី អភិបាលរងខេត្តតាកែវ និងជាប្រធានកាកបាទក្រហមខេត្តតាកែវបាន ដឹកនាំក្រុមការងារកាកបាទក្រហមខេត្តតាកែវ លោក អ៊ុក រ៉ី អភិបាលស្រុកបាទី លោក អ៊ូ សុខជា ជាប្រធានក្រុមប្រឹក្សាស្រុកបាទី និងជាប្រធានសាខាកាកបាទក្រហមស្រុកបាទី លោកមេឃុំ លោកមេភូមិ និងប្រជាពលរដ្ឋនៅភូមិត្រពាំងត្រយឹង ឃុំចំបក់ ស្រុកបាទី ខេត្តតាកែវ។

លោកស្រី នូ សុវណ្ណនី អភិបាលរងខេត្តតាកែវ និងជាប្រធានកាកបាទក្រហមខេត្តតាកែវ បានលើកឡើងក្នុងពិធីថា រូបគាត់មានសេចក្តីរំភើប ពេលបានឃើញទឹកចិត្តសប្បុរសធម៌ របស់កញ្ញា វ៉េន ចរិយា ដែលកញ្ញានៅវ័យក្មេង មានទឹកចិត្តសប្បុរសធម៌ចេះជួយការទុក្ខលំបាករបស់ប្រជាពលរដ្ឋក៍ដូចជា ចាស់ជរា គ្មានទីពឹង ក្មេងកំព្រា ជនពិការ ….ល….។

លោកស្រីបានលើកឡើងទៀតថា មិនត្រឹមតែកញ្ញា វ៉ែន ចរិយា ជួយដល់ទុក្ខលំបាកប្រជាពលរដ្ឋទេ គឺកញ្ញា ថែមទាំងជួយសម្រាលនៃបន្ទុកដល់អាជ្ញាធរនៅស្រុកបាទី ខេត្តតាកែវផងដែរ ។ សកម្មភាពដែលកញ្ញា ជួយជាអណ្តូងទឹកទៅដល់លោកយាយ ខាន់ តៅ ក៏ដូចជាប្រជាជនដែលរស់នៅឃុំចំបក់ ស្រុកបាទី នេះដែ រគឺជាអំពើរមួយដ៏ល្អខ្លាំងណាស់ ស្របពេលដែរតំបន់នេះជាតំបន់ដែលកំពុងខ្វះខាតទឹក សម្រាប់បងប្អូនដាំដំណាំ ចិញ្ចឹមសត្វ សម្រាប់ចិញ្ចឹមគ្រួសារ ហើយជារដូវខែប្រាំងផងដែរ ។

លោកស្រីបានបញ្ជាក់ជា ចុងក្រោយថា សូមថ្លែងអំណរគុណខ្លាំងណាស់ដល់កញ្ញា វ៉ែន ចរិយា និងក្រុមការងារមនុស្សធម៌ ដែលជួយការលំបាករបស់ប្រជាពលរដ្ឋ និងថែមទាំងជួយសម្រាលនៃបន្ទុកដល់អាជ្ញាធរ សូមឲ្យកញ្ញា និងក្រុមការងារមនុស្សធម៌ជួបតែសេចក្តីសុខ សុខភាពល្អ សម្ដេចការងារអ្វីបានដូចចិត្តប៉ងប្រាថ្នា។ ទន្ទឹមនិងនេះដែរ កញ្ញា វ៉ែន ចរិយា បានប្រាប់ថាកញ្ញា និងស្វាមី ជាមួយក្រុមការងារ គឺធ្វើការដោយកម្លាំងញើសឈាម បានប្រាក់កម្រៃបន្តិចបន្ទួច ដើម្បីជួយរំលែកដល់ប្រជាពលរដ្ឋ ចាស់ជរា ក្មេងកំព្រា ជនពិការ ដែលខ្វះខាត ជួបការលំបាក មិនគ្មានបានជំនួយ ពីសប្បុរសជនណាម្នាក់ទេ ។ កញ្ញា បន្ថែមទៀតថា កញ្ញា និងស្វាមី ជាមួយក្រុមការងារនិងបន្តរទឹកចិត្តមនុស្សធម៌នេះជារៀងរហូត ទៅតាមលទ្ធភាព ដែលអាចជួយបាន៕

https://youtu.be/MouVekk9M5o

https://youtu.be/lUo5RokU6F0