បាត់ដំបង: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កម្លាំងការិយាល័យជំនាញព្រហ្មទណ្ឌកម្រិតស្រាល បានសហការជាមួយក្រុមបង្ការបង្ក្រាប បាននាំខ្លួនក្មេងដែលបង្កភាពអាណាធិបតេយ្យ នៅក្នុងក្រុងបាត់ដំបងចំនួន ១០នាក់ មកកាន់ស្នងការដ្ឋាននគរបាលខេត្តបាត់ដំបង កាលពីថ្ងៃទី០៥ ខែមេសា ឆ្នាំ២០១៩ ។
សមត្ថកិច្ចបានរាយការណ៍ ឲ្យដឹងថា ក្មេងដែលបង្កភាពអាណាធិបតេយ្យទាំង១០នាក់ ១.ឈ្មោះ ថោង.វីរ: ភេទប្រុស អាយុ ២៥ឆ្នាំ មានទីលំនៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ២.ឈ្មោះ ម៉ាប់.ប៊ឹប ភេទប្រុស អាយុ១៦ឆ្នាំ មានទីលំនៅភូមិជ្រៃ ឃុំជ្រៃ ស្រុកថ្មគោល ខេត្តបាត់ដំបង ៣.ឈ្មោះ តាប់.ប៊ុនរ័ត្ន ភេទប្រុស ១៩ឆ្នាំ មានទីលំនៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ៤.ឈ្មោះ តន.តុលា ភេទប្រុស អាយុ១៩ឆ្នាំ មានទីលំនៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ៥.ឈ្មោះ បញ្ញា.ភាតរយុទ្ធ ភេទប្រុស អាយុ ១៦ឆ្នាំ មានទីលំនៅភូមិសូភី១ សង្កាត់រតន: ក្រុងបាត់ដំបង ខេត្តបាត់ដំបង ៦.ឈ្មោះ កង.សុផាន់ណា ភេទប្រុស អាយុ ២២ឆ្នាំ មានទីលំនៅភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង ៧.ឈ្មោះ ឌី.ចិត្រា ភេទប្រុស អាយុ២៦ឆ្នាំ មានទីលំនៅភូមិពោធិ៍ ឃុំស្រែស្តុក ស្រុកកណ្តៀង ខេត្តពោធិ៍សាត់ ៨.ឈ្មោះ សុខ.ខន ភេទប្រុស អាយុ ២១ឆ្នាំ មានទីលំនៅភូមិចម្ការឫស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ៩.ឈ្មោះ មិន.ហៀ ភេទប្រុស អាយុ ២៤ឆ្នាំ មានទីលំនៅភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង និង១០.ឈ្មោះ អ៊ុំ.ចំរ៉ុង ភេទប្រុស អាយុ ២២ឆ្នាំ មានទីលំនៅភូមិករហាល ឃុំពាមឯក ស្រុកឯកភ្នំ ខេត្តបាត់ដំបង។ ពាក់ព័ន្ធករណី ជិះម៉ូតូបំពាក់បំពង់ស៊ីម៉ាំងបំពងសំឡេងលឺខ្លាំង។ ក្នុងនោះសម្ភារ:ដកហូតរួមមាន ម៉ូតូម៉ាកហុងដា MSX ពណ៌ ស គ្មានស្លាកលេខ (បំពាក់បំពង់ស៊ីម៉ាំងបំពងសំឡេងឮខ្លាំង) ចំនួន ០៣គ្រឿង ម៉ូតូម៉ាក YAMAHA Excitor គ្មានស្លាកលេខ (បំពាក់បំពង់ស៊ីម៉ាំងបំពងសំឡេងឮខ្លាំង) ចំនួន ០៥គ្រឿង ម៉ូតូម៉ាក PULSAR ពណ៌លឿង ពាក់ស្លាកលេខ បាត់ដំបង 1T 8397 (បំពាក់បំពង់ស៊ីម៉ាំងបំពងសំឡេងលឺខ្លាំង) ០១គ្រឿង ម៉ូតូម៉ាក KAWASAKI Ninja ពណ៌បៃតង ពាក់ស្លាកលេខ បាត់ដំបង 1AF 3641 (បំពាក់បំពង់ស៊ីម៉ាំងបំពងសំឡេងឮខ្លាំង) ០១គ្រឿង។
ករណីនេះ សមត្ថកិច្ចជំនាញបានធ្វើការអប់រំនិងធ្វើកិច្ចសន្យា រួចប្រគល់ឲ្យអាព្យាបាលអប់រំបន្ត៕
មតិយោបល់