បន្ទាយមានជ័យៈ នៅវេលាម៉ោង១១និង១០នាទីថ្ងៃទី១១ ខែកក្កដា ឆ្នាំ២០១៦ មានករណីគ្រោះថ្នាក់ចរាចណ៍មួយកើតឡើងនៅចំណុចភូមិសង្កែ ឃុំបឹងបេង ស្រុកម៉ាឡៃ ខេត្តបន្ទាយមានជ័យ។

កងរាជអាវុធហត្ថស្រុកម៉ាឡៃបានឲ្យដឹងថា នៅមុនពេលកើតហេតុគេឃើញរថយន្តមួយមិនចាំម៉ាកបានបុកជាមួយម៉ូតូក្នុងទិសដៅបញ្ច្រាសទិសគ្នា បណ្ដាលឲ្យអ្នកបើកម៉ូតូឈ្មោះ នី ទៀន ភេទប្រុស អាយុ៤៥ ឆ្នាំ រស់នៅភូមិឃុំកើតហេតុខាងលើ ជិះម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ២០០៥ ពាក់ស្លាកលេខ បន្ទាយមានជ័យ1A 7258 រងរបួសធ្ងន់។

ចំណែករថយន្តបង្កបានបើករត់គេចបាត់។ បច្ចុប្បន្នអ្នករបួសត្រូវបានក្រុមគ្រួសារយកទៅព្យាបាលនៅមន្ទីពេទ្យបង្អែកស្រុកម៉ាឡៃ ចំណែករថយន្តបង្កត្រូវបានសមត្ថកិច្ចកំពុងស្រាវជ្រាវ ដើម្បីយកមកដោះស្រាយតាមនីតិវិធី៕