ផ្ទះ ព័ត៌មានជាតិ គោ​យន្ត​កន្ត្...

គោ​យន្ត​កន្ត្រៃ​២​គ្រឿង​ បើក​វ៉ា​ជែង​គ្នា​ ក្រឡាប់​រង​របួស​មនុស្ស​ធ្ងន់​ស្រាល​ ៣​នាក់

0

ពោធិ៍សាត់: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា មនុស្ស​៣​នាក់​ បាន​រង​របួសធ្ងន់​ស្រាល​ ដោយ​ករណី​គ្រោះថ្នាក់​ចរាចរណ៍​ រវាង​គោ​យន្ត​កន្ត្រៃ​ បើក​វ៉ា​ជែង​គ្នា​រួច​ក្រឡាប់​ធ្លាក់​មនុស្ស​ជិះ​លើ​គោ​យន្ត​ពេញ​ផ្លូវ​ ។​

ហេតុការណ៍​នេះ​ កើតឡើង​កាលពី​ថ្ងៃ​ទី​១៧​ ខែមេសា​ ឆ្នាំ​២០១៩​ នា​វេលា​ម៉ោង​១៦​និង​៤០​នាទី​ នៅ​លើ​ផ្លូវ​ក្រាល​កៅស៊ូ​មួយ​ខ្សែ​ត្រង់​ចំណុច​មុខ​ផ្ទះ​ឈ្មោះ​ សន​ គង់​ ភេទ​ ប្រុស​ស្ថិត​ក្នុងភូមិ​បួរ​ច្រេស​ ឃុំ​តា​លោ​ស្រុក​បាកាន​ ខេត្តពោធិ៍សាត់​។​

​ប្រភព​ព័ត៌មាន​បាន​ឲ្យ​ដឹង​ថា​ មុន​ពេល​កើតហេតុ​ មាន​គោ​យន្ត​កន្ត្រៃ​១​គ្រឿង​សណ្តោង​រ៉ឺម៉ក​ដឹក​មនុស្ស​៩​នាក់​ បើកបរ​ដោយ​ឈ្មោះ​ ថៃ​ ថេ​ង​ ភេទ​ប្រុស​ អាយុ​៤២​ឆ្នាំ​ រស់នៅ​ភូមិ​សំ​សាន្ត​ ឃុំ​តា​លោ​ ស្រុក​បាកាន​ ខេត្តពោធិ៍សាត់​ លុះ​មក​ដល់​ចំណុច​ខាងលើ​ បាន​បើក​វ៉ា​ជែង​គោ​យន្ត​កន្ត្រៃ​ម្ខាង​ទៀត​ បើកបរ​ដោយ​ឈ្មោះ​ រឿ​ន​ រី​ ភេទ​ប្រុស​ អាយុ​៣៥​ឆ្នាំ​ រស់នៅ​ភូមិ​ប្រហា​ល​ ឃុំ​តា​លោ​ ស្រុក​បាកាន​ ខេត្តពោធិ៍សាត់​ បណ្តាល​ឲ្យ​គោ​យន្ត​ខាងលើ​ក្រឡាប់​ធ្លាក់​មនុស្ស​ពេញ​ផ្លូវ​ តែ​ណា​ង​ល្អ​មាន​មនុស្ស​រង​របួស​តែ​៣​នាក់​ប៉ុណ្ណោះ​។​

​សមត្ថកិច្ច​បាន​ឲ្យ​ដឹង​ថា​ ជន​រង​គ្រោះ ​ត្រូវ​បាន​គេ​ស្គាល់​អត្តសញ្ញាណ​ ទី​១.​ឈ្មោះ​ ថៃ​ ថេ​ង​ ភេទ​ប្រុស​ អាយុ​៤២​ឆ្នាំ​ រស់នៅ​ភូមិ​សំ​សាន្ត​ ឃុំ​តា​លោ​ ស្រុក​បាកាន​ របួសធ្ងន់​ ២.​ឈ្មោះ​ ណឹ​ប​ នី​ ភេទ​ស្រី​ អាយុ​២៣​ឆ្នាំ​រស់នៅ​ភូមិ​សំ​សាន្ត​ របួសស្រាល​ និង​ទី​៣.​ឈ្មោះ​ ថេ​ង​ ហ៊ីង​ ភេទ​ប្រុស​អាយុ​១៧​ឆ្នាំ​ រស់នៅ​ភូមិ​សំ​សាន្ត​ របួសស្រាល។

ក្រោយ​ពេល​កើតហេតុ​ជន​រង​គ្រោះ​ បាន​ប​ញ្ជួ​ន​ទៅ​សង្គ្រោះ​ នៅ​មណ្ឌល​សុខភាព​ រីឯ​គោ​យន្ត​ទាំង​២​គ្រឿង​ សមត្ថកិច្ច​បាន​យក​មក​រក្សា​ទុក​នៅ​ប៉ុស្ដិ៍​នគរបាល​ រដ្ឋបាល​តា​លោ​ ដើម្បី​កសាង​សំណុំរឿង​តាម​នីតិវិធី​៕

Loading...

Leave a Reply

This site uses Akismet to reduce spam. Learn how your comment data is processed.