ព័ត៌មានជាតិ

ករណីឃាតកម្ម ប្ដីយកដងចបជីក វាយសម្លាប់ប្រពន្ធ រួចគេចខ្លួនបាត់

ព្រះវិហារ: នៅវេលាម៉ោង០៦និង៤០នាទីព្រឹកថ្ងៃទី១៩ ខែមេសា ឆ្នាំ២០១៩ មានករណីឃាតកម្ម នៅចំណុចយាយអៅ ចម្ងាយពីភូមិប្រហែល ០៩គីឡូម៉ែត្រ ក្នុងភូមិកេរ្ដិ៍ ឃុំរតន: ស្រុករវៀង ខេត្តព្រះវិហារ។

ជនរងគ្រោះ (ប្រពន្ធ) ឈ្មោះ សៀប ម៉ៅ អាយុ៣០ ឆ្នាំ និងជនសង្ស័យ (ប្តី) ឈ្មោះ ជុំ ជន អាយុ៣០ ឆ្នាំ រត់គេចខ្លួនបាត់ អ្នកទាំងពីររស់នៅភូមិឃុំកើតហេតុ។

សមត្ថកិច្ច បានឲ្យដឹងថា ជនសង្ស័យវាយជនរងគ្រោះ នឹងដងចបជីកពីក្រោយ ពេលជនរងគ្រោះកំពុងជីកថ្នាំឈើ បណ្តាលឲ្យស្លាប់ នៅនឹងកន្លែង ដោយអ្នកឃើញហេតុការណ៍ផ្ទាល់ គឺកូនជនរងគ្រោះ ។

បច្ចុប្បន្ន សមត្ថកិច្ច កំពុងធ្វើការស្រាវជ្រាវ តាមចាប់ជនសង្ស័យ មកផ្តន្ទាទោស តាមច្បាប់ ចំណែកសពបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕

មតិយោបល់