Post News Media ព័ត៌មានជាតិ នាំចៅស្រី​គេទ...

នាំចៅស្រី​គេទៅ​រួម​ភេទ ចុងក្រោយបែកការណ៍ ជាប់ខ្នោះ

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កម្លាំង​អធិការដ្ឋាន​នគរបាល​ខណ្ឌដូនពេញ​ បាន​ស្រាវជ្រាវ​ឃាត់​ជនសង្ស័យ​ម្នាក់​ ករណី​រំលោភ​អ​និ​តិ​ជន​អាយុ​ក្រោម​១៥​ឆ្នាំ​ កាលពី​ថ្ងៃ​ទី​២៤​ ខែមេសា​ ឆ្នាំ​២០១៩​ វេលា​ម៉ោង​១៧​និង​៥០​នាទី​ នៅ​ចំណុច​បន្ទប់​ជួល​ផ្ទះ​លេខ​៤៧​អឺ​០​ហ្សិត​ ផ្លូវ​លេខ​៧៥​ ភូមិ​៩​ សង្កាត់​ស្រះ​ចក​ ខណ្ឌដូនពេញ​ រាជធានី​ភ្នំពេញ​ កាលពី​ថ្ងៃ​ទី​២២​ ខែមេសា​ ឆ្នាំ​២០១៩​ វេលា​ម៉ោង​០១​និង​០០​នាទី​។​

​ជនសង្ស័យ​ឈ្មោះ​ ថន​ វិចិត្រ​ ហៅ​ចិត្រ​ ភេទ​ប្រុស​ អាយុ​២៦​ឆ្នាំ​ ជនជាតិ​ខ្មែរ​ មុខរបរ​ លក់​ទា​អាំង​ ស្នាក់​នៅ​បន្ទប់​ជួល​ផ្ទះ​លេខ​៤៧​អឺ​០​ហ្សិត​ ផ្លូវ​លេខ​៧៥​ ភូមិ​៩​ សង្កាត់​ស្រះ​ចក​ ខណ្ឌដូនពេញ​ រាជធានី​ភ្នំពេញ​(​ឃាត់ខ្លួន​)​។​

​ជន​រង​គ្រោះ​ឈ្មោះ​ ប​ ច​ព​ ហៅ​ ព​ ភេទ​ស្រី​ អាយុ​១១​ឆ្នាំ​ ជនជាតិ​ខ្មែរ​ មុខរបរ​ សិស្ស​ ស្នាក់​នៅផ្ទះ​លេខ​… ផ្លូវ​រថភ្លើង​ នៅខណ្ឌ​ឬ​ស្សី​កែវ​ រាជធានី​ភ្នំពេញ​ (​ត្រូវជា​ចៅស្រី​បង្កើត​របស់​ឈ្មោះ​ ឃឹម​ អែម​ ភេទ​ស្រី​ អាយុ​៦៧​ឆ្នាំ​ ជនជាតិ​ខ្មែរ​)​។​

​តាម​ដំណើរ​រឿងហេតុ​បាន​ឲ្យ​ដឹង​ថា​ កាលពី​ថ្ងៃ​ទី​២២​ ខែមេសា​ ឆ្នាំ​២០១៩​ វេលា​ម៉ោង​០៨​និង​៣០​នាទី​ ប៉ុស្តិ៍​នគរបាល​រដ្ឋបាល​ស្រះ​ចក​ នៃ​អធិការដ្ឋាន​នគរបាល​ខណ្ឌដូនពេញ​ ទទួល​ពាក្យបណ្តឹង​ពី​ឈ្មោះ​ ឃឹម​ អែម​ ភេទ​ស្រី​ អាយុ​៦៧​ឆ្នាំ​ ជនជាតិ​ខ្មែរ​ មុខរបរ​នៅផ្ទះ​ ប្តឹង​ពី​ជនសង្ស័យ​ឈ្មោះ​ ថន​ វិចិត្រ​ ហៅ​ចិត្រ​ ភេទ​ប្រុស​ អាយុ​២៦​ឆ្នាំ​ ជនជាតិ​ខ្មែរ​ ពី​បទ​ ៖​ យក​ចៅស្រី​របស់​គាត់​ឈ្មោះ​ ប​ ច​ ព​ ទៅ​រួម​ភេទ​។​

​ក្រោយ​ពី​ទទួល​ពាក្យបណ្តឹង​ កម្លាំង​ប៉ុស្តិ៍​នគរបាល​រដ្ឋបាល​ស្រះ​ចក​ បាន​ធ្វើការ​ស្រាវជ្រាវ​រហូត​ដល់​ថ្ងៃ​ទី​២៤​ ខែមេសា​ ឆ្នាំ​២០១៩​ វេលា​ម៉ោង​១៧​និង​៥០​នាទី​ ក៏​ឃើញ​ជនសង្ស័យ​ឈ្មោះ​ ថន​ វិចិត្រ​ ហៅ​ចិត្រ​ នៅ​ចំណុច​ផ្លូវ​លេខ​៧៥​ ក្រុម​១១៩​ ភូមិ​៩​ សង្កាត់​ស្រះ​ចក​ ខណ្ឌដូនពេញ​ រាជធានី​ភ្នំពេញ​ ធ្វើការ​ឃាត់ខ្លួន​ នាំ​មក​ទីស្នាក់ការ​ប៉ុស្តិ៍​នគរបាល​រដ្ឋបាល​ស្រះ​ចក​ ដើម្បី​ធ្វើការ​សាកសួរ​។​

​ក្រោយ​ពី​ការ​សាកសួរ​ជនសង្ស័យ​ឈ្មោះ​ ថន​ វិចិត្រ​ ហៅ​ចិត្រ​ សារភាព​ថា​ ខ្លួន​បាន​រួម​ភេទ​ជាមួយ​ជន​រង​គ្រោះ​ឈ្មោះ​ ប្រាក់​ ចាន់​ពី​ន​ ហៅ​ពី​ន​ បាន​សម្រេច​ កាលពី​ថ្ងៃ​ទី​២២​ ខែមេសា​ ឆ្នាំ​២០១៩​ វេលា​ម៉ោង​០១​និង​០០​នាទី​ នៅ​ចំណុច​ក្នុង​បន្ទប់​ជួល​របស់​ខ្លួន​ពិតប្រាកដ​មែន​៕