ផ្ទះ ព័ត៌មានជាតិ Update៖ ជន​មិ...

Update៖ ជន​មិន​ស្គាល់​អត្តសញ្ញាណ​ យក​វ៉ា​លី​ពណ៌​ខ្មៅ ​ប្លុង​ចោល​នៅ​ទូ​អេ​ធី​អឹ​ម​ស្ថាបនា​ ក្រុង​កំពង់ចាម​

0

កំពង់ចាម: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា សមត្ថកិច្ច​បាន​ទទួល​ព័ត៌មាន​ពី​បុគ្គលិក​ធនាគារ​ ស្ថាបនា​ថា​ មាន​ជន​មិន​ស្គាល់​អត្តសញ្ញាណ​ យក​វ៉ា​លី​ពណ៌​ខ្មៅ​ចំនួន​០១​ បើកចំហរ​ យក​ផ្លុ​ង​ចោល​នៅ​ក្នុង​បន្ទប់​ទូ​ អេ​ ធី​ អឹ​ម​ ស្ថាបនា​ ខាងលិច​ដើម​ពោធិ៍​ផ្សារ​រាត្រី​ ស្ថិត​ក្នុងភូមិ​ទី​១៥​ សង្កាត់​កំពង់ចាម​ ក្រុង​កំពង់ចាម​ ខេត្តកំពង់ចាម​ កាលពី​ថ្ងៃ​ទី​២៦​ ខែមេសា​ ឆ្នាំ​២០១៩​ វេលា​ម៉ោង​១៥​និង​២០​នាទី​។​

​ក្រោយ​ពី​បាន​ទទួល​ព័ត៌មាន​ភ្លាម​ លោក​ឧត្តមសេនីយ៍ទោ​ ឯម​ កុសល​ ស្នងការ​នគរបាល​ខេត្តកំពង់ចាម​ បាន​បញ្ជា​ដល់​កម្លាំង​ជំនាញ​ រួម​មាន​ ផែន​ការងារ​នគរបាល​ព្រហ្មទណ្ឌ​ ផែនការ​ការងារ​សន្តិសុខ​ ផែនការ​ងារ​គ្រប់គ្រង​អាវុធ​ជាតិ​ផ្ទុះ​ និង​អគ្គិភ័យ​ សហការ​ជាមួយ​កម្លាំង​ជំនាញ​អធិការ​ក្រុង​កំពង់ចាម​ ចុះ​ដល់​កន្លែង​កើតហេតុ​ ដើម្បី​ធ្វើការ​ស្រាវជ្រាវ​ និង​ត្រួតពិនិត្យ​តាម​លក្ខ​ណះ​បច្ចេក​ទេ​ ។​

​បន្ទាប់​មក​សមត្ថកិច្ច​ បាន​ធ្វើការ​ទំនាក់ទំនង​ទៅ​អង្គភាព​កម្ចាត់​មីន​កម្ពុជា​ ហៅ​កាត់​CMAC​ ដើម្បី​មក​ធ្វើការ​ត្រួតពិនិត្យ​តាម​ជំនាញ​ ។​ រហូត​ដល់​វេលា​ម៉ោង​១៧​និង​០០​នាទី​ អង្គភាព​កម្ចាត់​មីន​កម្ពុជា​ហៅ​កាត់​CMAC​ បាន​មក​ដល់​ ហើយ​បាន​ធ្វើការ​ត្រួតពិនិត្យ​ឃើញ​ថា​ ក្នុង​វ៉ា​លី​ និង​បរិវេណ​ជំវិញ​ទូ​អេ​ធី​អឹ​ម​ ទីតាំង​កន្លែង​ដាក់​វ៉ា​លី​ខាងលើ​ ពុំ​មាន​គ្រឿង​បំផ្ទុះ​ឡើយ​ ។​

​តាម​ការ​បំភ្លឺ​ពី​ឈ្មោះ​ ស៊ីវ​ សុ​ដា​ឡែ​ន​ ភេទ​ស្រី​ អាយុ​៣៣​ឆ្នាំ​ ជាតិខ្មែរ​ មាន​ទីលំនៅ​ភូមិ​ទី​៦​ សង្កាត់​វាលវង់​ ក្រុង​កំពង់ចាម​ ខេត្តកំពង់ចាម​ និង​ឈ្មោះ​វ៉ា​ន់​ ស្រី​ម៉ិច​ ភេទ​ស្រី​ អាយុ​២៨​ឆ្នាំ​ ជាតិខ្មែរ​ មាន​ទីលំនៅ​ភូមិ​បឹង​កុក​២​ សង្កាត់​បឹង​កុក​ ក្រុង​កំពង់ចាម​ ខេត្តកំពង់ចាម​ មានមុខ​របរ​ បុគ្គលិក​ម៉ាត​សុ​ជាតិ​ មាន​ទីតាំង​ជាប់​នឹង​ទូ​ អេ​ ធី​ អឹ​ម​ នោះ​ដែរ​ បំភ្លឺ​ប្រហាក់ប្រហែល​គ្នា​ ឲ្យ​ដឹង​ថា​ ៖​ រូបភាព​វី​ដេ​អូរ​ដែល​សមត្ថកិច្ច​បង្ហាញ​គាត់​ គឺ​មាន​ភិនភាគ​ ពាក់អាវ​ក្រឡា​ការ៉ូ​ ពណ៌​ទឹក​បិ​ច​លា​យស​ ពាក់មួក​ប៉េ​រ៉េ​ ពណ៌​ស​ស្លៀកខោ​ខ្មៅ​ជើងវែង​ គឺជា​ជន​ម្នាក់​ដែល​ជា​មនុស្ស​វិកល​ច​រិ​ក​ ហើយ​កន្លង​មក​ជន​នោះ​ ជា​ញឹកញាប់​ តែងតែ​យក​សម្ភារ:​ខូចៗ​ ចានឆ្នាំង​បាក់បែក​ ឌុ​យ​សាក​ទូរស័ព្ទ​ខូចៗ​ និង​សំលៀក​បំពាក់​ចាស់ៗ​ យក​ទៅ​ទុក​នៅ​ក្នុង​ទូ​អេ​ធី​អឹ​ម​ ហត្ថា​កសិករ​ ដែល​មាន​ទីតាំង​ជាប់​គ្នា​ជាមួយ​ ទូ​ អេ​ ធី​ អឹ​ម​ ស្ថាបនា​៕

Loading...

Leave a Reply

This site uses Akismet to reduce spam. Learn how your comment data is processed.