កណ្ដាល: នៅវេលាម៉ោង១៥និង៣០នាទី ថ្ងៃទី៣ ខែឧសភា ឆ្នាំ២០១៩ មានករណីបុរសម្នាក់ ធ្វើអត្តឃាត (ចង.ក) សម្លាប់ខ្លួនឯង មិនដឹងមូលហេតុ ត្រង់ចំណុចក្នុងបន្ទប់ទឹក សាលាបឋមសិក្សាវត្តកោះទៀវ ស្ថិតក្នុងភូមិកោះទៀវ(ខ) ឃុំសំពៅពូន ស្រុកកោះធំ ។
ជនរងគ្រោះឈ្មោះ ប៊ុន រ៉ែន ភេទប្រុស អាយុ៣៩ឆ្នាំ ជនជាតិខ្មែរ មុខរបរ កម្មករសំណង់ មានទីលំនៅភូមិកំពង់ថ្កុល ឃុំសំពៅពូន ស្រុកកោះធំ ខេត្តកណ្តាល ។
តាមការបំភ្លឺរបស់សាច់ញាតិជនរងគ្រោះ បានឲ្យដឹងថា នៅមុនថ្ងៃកើតហេតុ កាលពីថ្ងៃទី២ ខែឧសភា ឆ្នាំ២០១៩ ជនរងគ្រោះមានអារម្មណ៍រវើរវាយ ខុសធម្មតា ដោយនិយាយថា មានគេតាមចាប់ខ្លួន ហើយជនរងគ្រោះ ចេះតែមានអាការ:ភ័យខ្លាច និងរត់ពួន ខណ:ការពិតពុំមានអ្នកណា តាមចាប់ជនរងគ្រោះនោះទេ។
ដោយឃើញសភាពជនរងគ្រោះបែបនោះ ក្រុមគ្រួសារសាច់ញាតិ ក៏បាននាំជនរងគ្រោះទៅស្រោចទឹកចេញ ។ លុះមដល់ថ្ងៃទី៣ ខែឧសភា ឆ្នាំ២០១៩ ជនរងគ្រោះ បានទៅធ្វើការសំណង់ នៅសាលាបឋមសិក្សាវត្តកោះទៀវ ខណ:មកដល់វេលាម៉ោងប្រមាណ១៥និង៣០នាទី ជនរងគ្រោះបានប្រាប់អ្នក ដែលធ្វើការជាមួយគ្នាថា៖ ទៅបត់ជើងធំមួយភ្លែត ហើយក៏ទៅបាត់រហូត។
ដោយបាត់ជនរងគ្រោះយូរពេក អ្នកធ្វើការជាមួយមានការងឿងឆ្ងល់ ក៏ដើរតាមរកក្នុងចម្ការពោតជិតៗនោះ តែរកពុំឃើញនោះទេ ភ្លាមនោះក៏មកមើលនៅបន្ទប់ទឹក ដោយឃើញបិទទ្វារ ហើយជាប់គន្លឹះពីខាងក្នុង រួចក៏អើតមើលស្រាប់តែឃើញជនរងគ្រោះចង.ក នឹងខ្សែក្រវ៉ាត់ជាប់ធ្នឹមបន្ទប់ទឹកស្លាប់បាត់ទៅហើយ។
ករណីនេះ បានបង្កការភ្ញាក់ផ្អើលដល់ប្រជាពលរដ្ឋជិតខាង និងរាយការណ៍ជូនសមត្ថកិច្ចនគរបាលប៉ុស្ដិ៍ រដ្ឋបាលសំពៅពូន ចុះមកត្រួតពិនិត្យ សន្និដ្ឋានថា ជនរងគ្រោះពិតជាចង.ក សម្លាប់ខ្លួនឯងប្រាកដមែន។
ក្រោយធ្វើកោសល្យវិច័យរួច សពជនរងគ្រោះ ត្រូវបានសមត្ថកិច្ច ប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី៕
មតិយោបល់