ផ្ទះ ព័ត៌មានជាតិ គ្រូពេទ្យគ្មា...

គ្រូពេទ្យគ្មានសញ្ញាបត្រម្នាក់ ត្រូវសមត្ថកិច្ចឃាត់ខ្លួន ក្រោយចាក់ថ្នាំគេមួយម្ជុលស្លាប់

0

ស្វាយរៀង: កាលពីវេលាម៉ោង១២ និង ១០នាទីថ្ងៃទី៣ ខែមេសា ឆ្នាំ២០១៩ មានករណីគ្រូពេទ្យឯកជនម្នាក់ បានចាក់ថ្នាំបុរសម្នាក់ បណ្ដាលឲ្យប្រកាច់ស្លាប់មួយរំពេច នៅចំណុចភូមិសំឡីខាងជើង ឃុំសំឡី ស្រុកកំពង់រោទិ៍ ខេត្តស្វាយរៀង។

ជនរងគ្រោះមានឈ្មោះប៊ុន ម៉ាប់ ភេទប្រុស អាយុ ៤៥ឆ្នាំ មានទីលំនៅភូមិឃុំខាងលើ។

សមត្ថកិច្ច បានឲ្យដឹងថា ជនរងគ្រោះមានអាការ:ឈឺបំពង់.កចំនួនពីរថ្ងៃមកហើយ ទើបបានហៅឈ្មោះ ព្រាប សេ ភេទប្រុស អាយុ៦៣ឆ្នាំ មុខរបរគ្រូពេទ្យឯកជន (គ្មានសញ្ញាបត្រ) មានទីលំនៅភូមិព្រៃម្នាស់ ឃុំសំឡី ស្រុកកំពង់រោទ៌មកចាក់ថ្នាំឲ្យ។

ដោយពេលពេទ្យមកដល់ បានបូមថ្នាំចាក់មួយម្ពុល ទៅលើជនរងគ្រោះ ទាំងមិនបានធ្វើតេស្ត ឬវិភាគរោគសញ្ញានោះទេ បណ្ដាលឲ្យជនរងគ្រោះ ប្រកាច់ដាច់ខ្យល់ស្លាប់តែម្ដង។

មូលហេតុ៖ ជនរងគ្រោះប្រតិកម្មថ្នាំ សង្ស័យថា ពេទ្យគ្មានសម្ភារ:គ្រប់គ្រាន់ ក្នុងការព្យាបាល។

ក្រោយកើតហេតុ ពេទ្យគ្មានសញ្ញាបត្រខាងលើ ត្រូវសមត្ថកិច្ចឃាត់ខ្លួន បញ្ជូនទៅការិយាល័យខេត្តស្វាយរៀង ដើម្បីចាត់ការតាមនិតិវិធីច្បាប់៕

Loading...

Leave a Reply

This site uses Akismet to reduce spam. Learn how your comment data is processed.