ផ្ទះ ព័ត៌មានជាតិ សូមប្រុងប្រយ័...

សូមប្រុងប្រយ័ត្ន! នាំគ្នាមើលទូរស័ព្ទ ចំពេលមេញកំពុងភ្លៀង ស្រាប់តែត្រូវរន្ទះបាញ់ចំ របួសមនុស្ស ៣នាក់ នៅកំពង់ចាម

0

កំពង់ចាម: កាលពីវេលាម៉ោង២ និង៥០នាទីថ្ងៃទី១២ ខែឧសភា ឆ្នាំ២០១៩ មានករណីរន្ទះបាញ់ បណ្ដាលឲ្យរបួសមនុស្ស ៣នាក់ ត្រង់ចំណុចផ្ទះឈ្មោះ ស៊ឹម ធុក នៅភូមិត្រពាំងធំ ឃុំបឹងណាយ ស្រុកព្រៃឈរ ខេត្តកំពង់ចាម។

ដំណើររឿង៖ នៅមុនកើតហេតុ គេឃើញជនរងគ្រោះទាំងបីនាក់ នាំគ្នាបើកទូរស័ព្ទដៃមើល ចំពេលមេឃកំពុងភ្លៀង ខណ:នោះស្រាប់តែមានរន្ទះបាញ់ បណ្តាលឲ្យជនរងគ្រោះទាំងបីនាក់ ដួលសន្លប់។

ការបើកមើលទូរស័ព្ទដៃ នៅពេលមេឃកំពុងភ្លៀង បានបណ្តាលឲ្យជនរងគ្រោះ ចំនួន៣នាក់ ត្រូវរន្ទះបាញ់ តែសំណាងល្អត្រូវក្រុមគ្រូពេទ្យជួយសង្គ្រោះទាន់ពេលវេលា ធ្វើឲ្យអ្នកទាំងបី រួចផុតពីសេចក្តីស្លាប់។

ជនរងគ្រោះ៖ ទី១. ឈ្មោះ ចិន ស្រី ភេទស្រី អាយុ២៦ឆ្នាំ មានរបួសធ្ងន់ បញ្ជូនទៅមន្ទីរពេទ្យខេត្ត ទី២. ឈ្មោះ ឡាយ វីរ: ភេទប្រុស អាយុ១២ឆ្នាំ របួសស្រាល និងទី៣. ឈ្មោះ ឡាយ សុខហៃ ភេទប្រុស អាយុ៧ឆ្នាំ របួសស្រាល កំពុងសម្រាកនៅមន្ទីរពេទ្យ៕

Loading...

Leave a Reply

This site uses Akismet to reduce spam. Learn how your comment data is processed.