Post News Media ព័ត៌មានជាតិ រថយន្តកែឆ្នៃ១...

រថយន្តកែឆ្នៃ១គ្រឿងបានឆក់យកជីវិតក្មេងស្រីម្នាក់ភ្លាមៗនៅស្រុកពារាំង

ព្រៃវែង: ថ្ងៃទី ១៧ ខែឧសភា ឆ្នាំ២០១៩ នៅវេលាម៉ោង១១និង០៥នាទីថ្ងៃត្រង់ លើផ្លូវលំក្រាលក្រួសក្រហម ចំនុចភូមិកញ្ចំ ឃុំកញ្ចំ ស្រុកពារាំង ខេត្តព្រៃវែង ។ មានករណី រថយន្តកែឆ្នៃ១គ្រឿង ពណ៌ ខៀវ គ្មានស្លាកលេខ បើកបរដោយឈ្មោះ កឺប សារ: ភេទប្រុស អាយុ 25ឆ្នាំ នៅភូមិ ព្រៃតាពូង ឃុំកញ្ចំ ស្រុកពារាំង ធ្វើដំណើរពីត្បូងទៅជើង ដល់ចំនុចកើតហេតុ រថយន្តបានទៅកៀដៃកង់ជនរងគ្រោះ ឈ្មោះ ថូ រដ្ឋា ភេទស្រី អាយុ 12ឆ្នាំ នៅភូមិកញ្ចាំ ឃុំ កញ្ចំ ស្រុកពារាំង ដែលកំពុងធ្វើដំណើរស្របទិសគ្នា បណ្តាលឲ្យដួលកង់ចូលក្រោមរថយន្ត ហើយកិនពីលើជនរងគ្រោះ ស្លាប់នៅកន្លែងកើតហេតុ ។ ក្រោយពេលកើតហេតុសមត្ថកិច្ចបានចុះពិនិត្យជាក់ស្តែងទើបប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។ ចំណែកអ្នកបើកបរនិងវត្ថុតាងសមត្ថកិច្ចយកមករក្សាទុកនៅអធិការដ្ឋាននគរបាលស្រុកពារាំង ដើម្បីចាត់ការតាមនីតិវិធី៕