ផ្ទះ ព័ត៌មានជាតិ ខណៈពេលកំពុងតែ...

ខណៈពេលកំពុងតែព្យួរសេរ៉ូមស្រ្តីម្នាក់បានដាច់ខ្យល់ស្លាប់ភា្លមៗ យ៉ាងអាណោចអធ័ម

0

សៀមរាប: កាលពីវេលាម៉ោង ៣និង០០នាទី ថ្ងៃទី២០ ខែឧសភា ឆ្នាំ២០១៩ មានស្រ្តីម្នាក់ដាច់ខ្យល់ស្លាប់បាត់បង់ជីវិត ខណ:ពេលកំពុងព្យួរសេរ៉ូម ហេតុការណ៍នេះ ស្ថិតក្នុងភូមិអន្លង់ព្រីងលើ ឃុំអន្លង់សំណរ ស្រុកជីក្រែង ខេត្តសៀមរាប។

យោងតាមប្រភពពីលោក សុខ សុទ្ធាវុទ្ធ អធិការនគរបាលស្រុកជីក្រែង បានប្រាប់ឲ្យដឹងថា ជនរងគ្រោះមានឈ្មោះ លាង វន អាយុ ៤៧ឆ្នាំ រស់នៅភូមិតាគឹមលើ ឃុំអន្លង់សំណរ ស្រុកជីក្រែង ខេត្តសៀមរាប។

ប្រភពបន្តថា ជនរងគ្រោះបានទៅសម្រាកព្យាបាលនៅផ្ទះពេទ្យឈ្មោះ មិន វឌ្ឍណា ភេទស្រី អាយុ ៣១ឆ្នាំ ជាពេទ្យបម្រើការងារនៅមណ្ឌលសុខភាពជីក្រែង ដោយមើលទៅអ្នកជំងឺមានសភាពធ្ងន់ធ្ងរពេទ្យក៏បានដាក់សេរ៉ូមផ្អែមប្រៃឲ្យ លុះបន្តិចមកអ្នកជំងឺក៏ដាច់ខ្យល់ស្លាប់។

ក្រោយពេលកើតហេតុសមត្ថកិច្ចមូលដ្ឋាន រួមសហការណ៍ជាមួយនគរបាលបច្ចេកទេស និងលោកវេជ្ជបណ្ឌិត អ៊ិន ឆបឆរ័ត្ន គ្រូពេទ្យកោសល្យវិច័យ ចុះធ្វើការត្រួតពិនិត្យជាលទ្ធផលដូចខាងក្រោម៖
ករណីទី១/មិនមែនជារឿងឃាតកម្មទេ។ ករណីទី២/តាមការសន្និដ្ឋានរបស់គ្រូពេទ្យកោសល្យវិច័យជនរងគ្រោះស្លាប់ដោយសារ ជំងឺស្ទះសរសៃរឈាមចិញ្ចឹមបេះដូង។

ចំពោះករណីខាងលើនេះ សមត្ថកិច្ចបានអះអាងថា គ្រូពេទ្យ បានប្រឹងប្រែងជួយសង្គ្រោះដែរ តែដោយជនរងគ្រោះមានសភាពធ្ងន់ធ្ងរពេក។

លោក សុខ សុទ្ធាវុទ្ធ បញ្ជាក់ថា៖ លោកនៅមិនទាន់ដឹងថា សាច់ញាតិជនរងគ្រោះ អាចប្ដឹងគ្រូពេទ្យ ឫយ៉ាងណានោះទេ ក្រោយពិនិត្យធ្វើកោសល្យវិច័យ រួចសមត្ថកិច្ចបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕

Loading...

Leave a Reply

This site uses Akismet to reduce spam. Learn how your comment data is processed.