ផ្ទះ ព័ត៌មានជាតិ ជនដៃដល់ម្នាក់...

ជនដៃដល់ម្នាក់ ត្រូវបានឃាត់ខ្លួនពីបទ ហឹង្សាបង្ករបួសស្នាម ប្រើអាវុធ

0

កោះកុង: កាលពីរសៀលថ្ងៃទី ២៧ ខែ ឧសភា ឆ្នាំ ២០១៩ កម្លាំងអធិការដ្ឋាននគរបាលក្រុងខេមរភូមិន្ទ បានឃាត់ខ្លួនជនសង្ស័យឈ្មោះ សើន ឌាវ ភេទប្រុស អាយុ ២២ ឆ្នាំ មុខរបរ មិនពិតប្រាកដ មានទីលំនៅភូមិ ៣ សង្កាត់ស្មាច់មានជ័យ ក្រុងខេមរភូមិន្ទ ពីបទ ហឹង្សាកាប់បង្ករបួសស្នាម ប្រើអាវុធ (ដាវ) កាលពីថ្ងៃទី ២៦ ខែ ឧសភា ឆ្នាំ ២០១៩ វេលាម៉ោង៩និង៤០ នាទី នៅចំណុច កន្លែងលក់ដូររបស់ ឈ្មោះ តៅ សុភាព ក្បែរសួនសត្វ ស្ថិតនៅភូមិចាំយាម ឃុំប៉ាក់ខ្លង ស្រុកមណ្ឌលសីមា បណ្តាលឲ្យឈ្មោះ សុខា រស្មី ភេទប្រុស អាយុ ២១ ឆ្នាំ មុខរបរ កម្មករសំណង់ មានទីលំនៅភូមិ ១ សង្កាត់ស្មាច់មានជ័យ រងរបួសធ្ងន់ ។

តាមមូលហេតុ ដំបូងកើតឡើងពីឈ្មោះ សើន ឌាវ មានគំនំជាមួយឈ្មោះ សុខា រស្មី ដែលបានទៅស្តីដណ្តឹង យកសង្សារបស់ខ្លួន រួចបានឆាតតាមទូរស័ព្ទឌឺដងដាក់គ្នា លុះខ្លួនឃើញឈ្មោះ សុខា រស្មី ជិះម៉ូតូលើស្ពានកោះកុង ពេលនោះខ្លួនក៏បានដេញតាមរហូតដល់កន្លែងកើតហេតុខាងលើ ហើយក៏ធ្វើសកម្មភាពកាប់តែម្តង រួចខ្លួនក៏រត់គេចបាត់។

បច្ចុប្បន្ន ជនសង្ស័យបានឃាត់ខ្លួន នៅអធិការក្រុង កំពុងសាកសួរ និងបំពេញសំណុំរឿងចាត់ការតាមនិតិវិធី ៕

 

Loading...

Leave a Reply

This site uses Akismet to reduce spam. Learn how your comment data is processed.