ភ្នំពេញៈ ជនសង្ស័យ៨នាក់ ព្រមទាំងថ្នាំញៀន៤កញ្ចប់ ត្រូវបានសមត្ថកិច្ចខណ្ឌជ្រោយចង្វារបង្ក្រាបបានជាបន្តបន្ទាប់ កាលពីវេលាម៉ោង៨យប់ថ្ងៃទី១៣ ខែកក្កដា ឆ្នាំ២០១៦ ស្ថិតនៅតាមបណ្តោយផ្លូវជាតិលេខ៦ មុខផ្សារព្រែកខ្វិត ភូមិព្រែកលាប សង្កាត់ព្រែកលាប ខណ្ឌជ្រោយចង្វារ រាជធានីភ្នំពេញ។

លោក ឯក សេរីវុធ អធិការរងទទួលផ្នែកព្រហ្មទណ្ឌខណ្ឌជ្រោយចង្វារ បានឲ្យដឹងថា នៅយប់ថ្ងៃទី១៣ ខែកក្កដា ឆ្នាំ២០១៦ កម្លាំងសមត្ថកិច្ចអន្តរាគមន៍ខណ្ឌ បានជិះចេញល្បាតក្នុងមូលដ្ឋាន ស្រាប់តែបានប្រទះឃើញជនសង្ស័យខាងលើ ហើយកម្លាំងសមត្ថកិច្ចយើងក៏បានធ្វើការឃាត់ខ្លួនជាបន្តបន្ទាប់ ព្រមទាំងបានដកហូតនៅម្សៅក្រាមពណ៌(ស)ថ្លា ៤កញ្ចប់ ជាប្រភេទ ម៉ាទឹកកក និងបានដកហូតម៉ូតូ ៣គ្រឿង ទី១ ម៉ូតូម៉ាក HONDA DREAM សេ១២៥ ស៊េរី២០១៣ ពណ៌ខ្មៅ ពាក់ស្លាកលេខ ភ្នំពេញ 1AU-3306, ទី២ ម៉ូតូម៉ាក SMASH REVO ពណ៌ខ្មៅ ពាក់ស្លាកលេខ ភ្នំពេញ 1R-9970, ទី៣ ម៉ូតូម៉ាក WAVE S ពណ៌ក្រហម អត់មានស្លាកលេខ។

ជនសង្ស័យដែលសមត្ថកិច្ចឃាត់ខ្លួន ទី១.ឈ្មោះ អៀង ធារ៉ា ភេទប្រុស អាយុ ២៦ឆ្នាំ មុខរបរ កម្មករបូមខ្សាច់, ទី២.ឈ្មោះ ហេង សំអាង ភេទប្រុស អាយុ ៣៣ឆ្នាំ មុខរបរ កម្មករបូមខ្សាច់, ទី៣.ឈ្មោះ ខួន ដារត្ន័ ភេទប្រុស អាយុ២១ឆ្នាំ មុខរបរ កម្មករបូមខ្សាច់ បច្ចុប្បន្នអ្នកទាំង ៣នាក់ ស្នាក់នៅតាមបណ្តោយផ្លូវជាតិលេខ៦ ភូមិបាក់ខែង សង្កាត់បាក់ខែ ខណ្ឌជ្រោយចង្វារ, ទី៤.ឈ្មោះ អៀច នី ភេទប្រុស អាយុ៣៧ឆ្នាំ មុខរបរ កសិករ ស្នាក់នៅភូមិតាធាក់ ឃុំល្វា ស្រុកព្រៃឈរ ខេត្តកំពង់ចាម, ទី៥ ឈ្មោះ ជឹម សុភស្ស ភេទប្រុស អាយុ ២០ឆ្នាំ មុខរបរ កសិករ ស្នាក់នៅភូមិធោធទ្រា ឃុំល្វា ស្រុកព្រៃឈរ ខេត្តកំពង់ចាម, ទី៦ ឈ្មោះ គង់ បាត់វី ភេទប្រុស អាយុ ២៧ឆ្នាំ មុខរបរ កសិករ, ទី៧ ឈ្មោះ ផន សំណាង ភេទប្រុស អាយុ ២០ឆ្នាំ មុខរបរ ជាងស្ទូចផ្ទះ និងទី៨ ឈ្មោះ ស ម៉េត វិចេក ភេទប្រុស អាយុ២៣ឆ្នាំ មុខរបរ ជាងស្ទូចផ្ទះ បច្ចុប្បន្នអ្នកទាំង ៣នាក់ ស្នាក់នៅភូមិរលោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ។

បច្ចុប្បន្នជនសង្ស័យទាំង៨នាក់ខាងលើ ត្រូវបានសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿង បញ្ជូនទៅកាន់តុលាការ ចាត់ការបន្តតាមនីតិវិធីច្បាប់៕

https://youtu.be/yNO4BcdDKE0

https://youtu.be/d8RRGzyJhMk

https://youtu.be/wBWM-fTKyL4