ផ្ទះ ព័ត៌មានជាតិ ស្រីស្រស់ម្នា...

ស្រីស្រស់ម្នាក់ ធ្វើសកម្មភាព​​លួច​ម៉ូតូ​​ ត្រូវសមត្ថកិច្ចឃាត់ខ្លួន នៅ​មុខ​ផ្សារ​សូ​រិ​យា​ម៉​ល​

0

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កម្លាំង​ប៉ុស្តិ៍​នគរបាល​រដ្ឋបាល​ផ្សារ​ថ្មី​ទី​៣​ នៃ​អធិការដ្ឋាន​នគរបាល​ខណ្ឌដូនពេញ​បាន​ឃាត់ខ្លួន​ជនសង្ស័យ​ម្នាក់​ ពី​បទ​លួច​ម៉ូតូ​ កាលពី​ថ្ងៃ​ទី​២៣​ ខែឧសភា​ ឆ្នាំ​២០១៩​ វេលា​ម៉ោង​០២​និង​១៧​នាទី​ នៅ​ចំណុច​ក្នុងផ្ទះ​លេខ​១៣៣Eoz​ ផ្លូវ​លេខ​១៥៤​ ភូមិ​ទី​៦​ សង្កាត់​ផ្សារ​ថ្មី​ទី​៣​ ខណ្ឌដូនពេញ​រាជធានី​ភ្នំពេញ​ កាលពី​ថ្ងៃ​ទី​៥​ ខែមិថុនា​ ឆ្នាំ​២០១៩​ វេលា​ម៉ោង​៨​និង​០០​នាទី​ ។​

​ជនសង្ស័យ​ឈ្មោះ​ ជា​ សុ​វ​ណ្ណា​ ភេទ​ស្រី​ អាយុ​២៥​ឆ្នាំ​ ជនជាតិ​ខ្មែរ​មុខរបរ​មិន​ប្រាកដ​ មាន​ទីលំនៅ​ផ្ទះ​ជួល​ផ្លូវលំ​ សង្កាត់​ច្បារ​អំពៅ​ ខណ្ឌ​ច្បារ​អំពៅ​ រាជធានី​ភ្នំពេញ​។​

​សម្ភារ​បាត់បង់​មាន​ ម៉ូតូ​មួយ​គ្រឿង​ម៉ាក​ ZOOMER​ X​ ពណ៌​សលាយ​ត្រួយ​ចេក​ ពាក់​ស្លាក​លេខ​ភ្នំពេញ​ 1.FS​ 1680​ លេខ​តួ​ 5109928​ លេខ​ម៉ាស៊ីន​0109928​។​

​ជន​រង​គ្រោះ​ឈ្មោះ​ ស៊ុន​ ចាយ​ ភេទ​ស្រី​ អាយុ​២១​ឆ្នាំ​ ជនជាតិ​ខ្មែរ​ មុខរបរ​មិន​ប្រាកដ​ មាន​ទីលំនៅ​បច្ចុប្បន្ន​ ផ្ទះ​លេខ​133E0z​ ផ្លូវ​154​ ភូមិ​6​ សង្កាត់​ផ្សារ​ថ្មី​ទី​៣​ ខណ្ឌដូនពេញ​ រាជធានី​ដូនពេញ​។​

​តាម​ដំណើររឿង​ ៖​ នៅ​មុន​ពេល​កើតហេតុ​កាលពី​ថ្ងៃ​ទី​២៣​ ខែឧសភា​ ឆ្នាំ​២០១៩​ វេលា​ម៉ោង​១​រំលង​អ​ធ្រា​ត្រ​ ជន​រង​គ្រោះ​ និង​មិត្ត​ប្រុស​បាន​មក​ពី​ហូប​បាយ​នៅ​ផ្សារ​កណ្ដាល​ ហើយ​ក៏​បាន​យក​ម៉ូតូ​ខាងលើ​ទុក​ក្នុងផ្ទះ​លេខ​133E0z​ ផ្លូវ​154​ ភូមិ​៦​ សង្កាត់​ផ្សារ​ថ្មី​៣​ ខណ្ឌដូនពេញ​ រួច​ក៏​ចូល​ដេក​ក្នុង​បន្ទប់​ លុះដល់​ម៉ោង​៧​ព្រឹក​ មិត្ត​ប្រុស​របស់​ជន​រង​គ្រោះ ​បាន​ភ្ញាក់​ពី​ដំណេក​មក​យក​ម៉ូតូ​ជិះ​ទៅ​ធ្វើការ​ ក៏​ស្រាប់តែ​បាត់​ម៉ូតូ​ពុំ​ឃើញ​ហើយ​ទ្វារផ្ទះ​បើកចំហរ​ភ្លាម​នោះ​ ជន​រង​គ្រោះ​បាន​សួរ​ម្ចាស់ផ្ទះ​ តែ​ម្ចាស់ផ្ទះ​បាន​ឆ្លើយ​ថា​ មិនដឹង​ថា​ អ្នក​ណា​ជា​អ្នក​បើកទ្វារ​ដែរ​ ទើប​ជន​រង​គ្រោះ​ទៅ​សុំ​ឆែក​កាមេរ៉ា​សុវត្ថិភាព​ មើល​នៅផ្ទះ​អ្នក​ជិតខាង​ក៏​ឃើញ​មាន​ជនសង្ស័យ​ចំនួន​៤​នាក់​ ប្រុស​៣​នាក់​ ស្រី​១​នាក់​ ក្នុង​នោះ​មាន​ជនសង្ស័យ​ឈ្មោះ​ ជា​ សុ​វ​ណ្ណា​ ភេទ​ស្រី​ អាយុ​២៥​ឆ្នាំ​ដែរ​ ហើយ​ក៏​បាន​មក​ដាក់​ពាក្យបណ្តឹង​នៅ​ប៉ុស្តិ៍​នគរបាល​រដ្ឋបាល​ផ្សារ​ថ្មី​ទី​៣​តែ​ម្តង​។​

​បន្ទាប់​ពី​ទទួល​បាន​ពាក្យបណ្តឹង​ កម្លាំង​ប៉ុស្តិ៍​នគរបាល​រដ្ឋបាល​ផ្សារ​ថ្មី​ទី​៣​ នៃ​អធិការដ្ឋាន​នគរបាល​ខណ្ឌដូនពេញ​ សហការ​ជាមួយ​ជន​រង​គ្រោះ​ធ្វើការ​ស្រាវជ្រាវ​រហូត​ដល់​ថ្ងៃ​ទី​៥​ ខែមិថុនា​ ឆ្នាំ​២០១៩​វេលា​ម៉ោង​០៨​និង​០០​នាទី​ ទើប​ឃើញ​ជនសង្ស័យ​ឈ្មោះ​ ជា​ សុ​វ​ណ្ណា​ ភេទ​ស្រី​ អាយុ​២៥​ឆ្នាំ​ នៅ​មុខ​ផ្សារ​សូ​រិ​យា​ម៉​ល​ ផ្លូវ​លេខ​៥១​ សង្កាត់​ផ្សារ​ថ្មី​ទី​៣​ ខណ្ឌដូនពេញ​ ក៏​បាន​ឃាត់ខ្លួន​នាំ​មក​សាកសួរ​នៅ​ទីស្នាក់ការ​ប៉ុស្តិ៍​នគរបាល​រដ្ឋបាល​ផ្សារ​ថ្មី​ទី​៣​តែ​ម្តង​។​

​នៅ​ចំពោះ​មុខ​កម្លាំង​ខណ្ឌ​.​ប៉ុស្តិ៍​ កំពុង​សួរ​ចម្លើយ​ ដើម្បី​រក​បក្ខពួក​ និង​សកម្មភាព​ដែល​បាន​ប្រ​ពឹត្ត​កន្លង​មក​ និង​កសាង​សំណុំរឿង​តាម​នីតិវិធី​៕

Loading...

Leave a Reply

This site uses Akismet to reduce spam. Learn how your comment data is processed.