Post News Media ព័ត៌មានជាតិ ធ្លាប់ជាប់ពន្...

ធ្លាប់ជាប់ពន្ធធនាគាព្រៃសមិនរាងចាលប្រព្រឹត្តបទល្មើសថ្មី…

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កាលពីវេលា​ម៉ោង​ប្រហែល ​២​និង​២០​នាទី​រំលង​អា​ធ្រា​ត្រ​ ឈាន​ចូល​ថ្ងៃ​ទី​៧​ ខែមិថុនា​ ឆ្នាំ​២០១៩​ កម្លាំង​ល្បាត​របស់​នគរបាល​ប៉ុស្តិ៍​ផ្សារ​ដេប៉ូ​ទី​១​ ឃាត់ខ្លួន​ជនសង្ស័យ​ម្នាក់​ ត្រង់​ចំណុច​មុខ​ផ្ទះ​លេខ​២៧​ ផ្លូវ​លេខ​២១៩​ ក្រុម​ទី​៣៩​ ភូមិ​៩​ សង្កាត់​ផ្សារ​ដេប៉ូ​ទី​១​ ប្រព្រឹត្ត​នៅ​ចំណុច​ក្នុងផ្ទះ​លេខ​៩Eoz​ ផ្លូវ​លេខ​១៥៦z​ ក្រុម​ទី​២៣​ ភូមិ​៥​ សង្កាត់​ផ្សារ​ដេប៉ូ​១​ ខណ្ឌទួលគោក​ រាជធានី​ភ្នំពេញ​ ។​

​ជនសង្ស័យ​ឈ្មោះ​ គង់​ ណា​រុំ​ ហៅ​ ថ្ម​ ភេទ​ប្រុស​ អាយុ​ ២៩​ឆ្នាំ​ មុខរបរ​ពុំ​ពិតប្រាកដ​ ស្នាក់​នៅផ្ទះ​លេខ​១៣៤z​ ផ្លូវ​លេខ​២១៥​ ក្រុម​ទី​៤២​ ភូមិ​២​ សង្កាត់​វាលវង់​ ខណ្ឌ​៧​មក​រា​ ​រាជធានី​ភ្នំពេញ​ និង​ជា​មុខសញ្ញា​ចាស់​ ធ្លាប់​ជាប់​ពន្ធនាគារ​ព្រៃ​ស​ ធ្វើ​សកម្មភាព​គាស់​ផ្ទះ​ ក្នុង​មូលដ្ឋាន​សង្កាត់​ផ្សារ​ដេប៉ូ​ទី​១​ ត្រូវ​បាន​សមត្ថកិច្ច​នគរបាល​ខណ្ឌទួលគោក​ ធ្វើការ​បង្ក្រាប​និងកសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ​ ចាត់ការ​តាម​ផ្លូវច្បាប់​ក្នុង​ឆ្នាំ​២០១៤​ ។​

​វត្ថុ​តាង​ចាប់​យក​រួម​មាន​៖ ម៉ូតូ​ចំនួន​ ០១​ គ្រឿង​ ម៉ា​កវី​វ៉ា​ ពណ៌​ខ្មៅ​ ពាក់​ស្លាក​លេខ​​ភ្នំពេញ​ 1AF-7037​ សេរី​ឆ្នាំ​២០០៩​ លេខ​តួ​ និង​លេខ​ម៉ាស៊ីន​:358535​ (​ជា​របស់​ជន​រង​គ្រោះ​)​ ។​
​ជន​រង​គ្រោះ​ឈ្មោះ​ លី​ ហៀ​ប​ផេង​ ភេទ​ប្រុស​ អាយុ ​៣២​ឆ្នាំ​ ជនជាតិ​ខ្មែរ​ មុខរបរ​ បុគ្គលិក​ក្រុមហ៊ុន​ឯកជន​ផ្នែក​លក់​ទីផ្សារ​ ស្នាក់​នៅផ្ទះ​លេខ​៩E1​ ផ្លូវ​លេខ​១៥៦z​ ក្រុម​ទី​២៣​ ភូមិ​៥​ សង្កាត់​ផ្សារ​ដេប៉ូ​ទី​១​ ខណ្ឌទួលគោក​ រាជធានី​ភ្នំពេញ​ ។​

សភាពរឿងហេតុ​៖ មុន​ពេល​កើតហេតុ​នៅ​ថ្ងៃ​ទី​០៦​ ខែមិថុនា​ ឆ្នាំ​២០១៩​ វេលា​ម៉ោង​ប្រហែល​ ១១​និង​០០​នាទី​ ជន​រង​គ្រោះ​បាន​ជិះ​ម៉ូតូ​ត្រឡប់​មក​ពី​ហាត់ប្រាណ​នៅ​ក្លឹ​ប​ Blue​ Town​ នៅ​ម្តុំ​ផ្លូវភ្លោះ​ផ្សារ​អូ​ឬ​ស្សី​ ដោយ​បាន​ចត​ម៉ូតូ​ និង​ចាក់សោរ​ទុក​នៅ​ក្នុងផ្ទះ​លេខ​ ៩Eoz​ ក្បែរ​ជណ្តើរ​ រួច​ឡើង​ទៅ​សំរាក​ផ្ទះ​របស់​ខ្លួន​នៅ​ជាន់​ទី​១​ លុះដល់​ព្រឹក​ឡើង​ម៉ោង​ប្រហែល​៧​ ចុះ​ទៅ​យក​ម៉ូតូ​ដើម្បី​ជិះ​ទៅ​ធ្វើការ​ ស្រាប់តែ​មិនឃើញ​ម៉ូតូ​នៅ​កន្លែង​ទុក​ត្រូវ​ចោរលួច​បាត់​ ។​ ប៉ុន្តែ​ក្រោយមក​ក៏​ត្រូវ​បាន​សមត្ថកិច្ច​នគរបាល​ប៉ុស្តិ៍​ផ្សារ​ដេប៉ូ​ទី​១​ ឃាត់ខ្លួន​ជនសង្ស័យ​ធ្វើ​សកម្មភាព​លួច​ម៉ូតូ​ រួច​ជូនដំណឹង​ឲ្យជន​រង​គ្រោះ​បាន​​ដឹង​មក​ដាក់​ពាក្យ​ប្តឹង​ចាត់ការ​តាម​ផ្លូវច្បាប់​ ។​

ក្រោយ​ពេល​ឃាត់ខ្លួន​សមត្ថកិច្ច​ បាន​យក​ទឹកនោម​ជន​ស្ស័​យ​ធ្វើតេស្ត​ស្វែងរក​សារធាតុ​ញៀន​ ជា​លទ្ធផល​ (​វិជ្ជមាន​)​។​
​បច្ចុប្បន្ន​ជនសង្ស័យ​ កំពុង​ឃាត់ខ្លួន​នៅ​អធិការដ្ឋាន​នគរ​​បាល​ខណ្ឌទួលគោក​ ដើម្បី​ធ្វើការ​សាកសួរ​កសាង​សំណុំរឿង ​បញ្ជូន​ទៅ​សាលាដំបូង​រាជធានី​ភ្នំពេញ​ចាត់ការ​តាម​នីតិវិធី​៕