ព្រះវិហារៈ កាលពីថ្ងៃទី២០ ខែមិថុនា ឆ្នាំ២០១៩ វេលាម៉ោង ១១និង៥០នាទីព្រឹក មានករណីគ្រោះថ្នាក់ដោយសារយុទ្ធភណ្ឌមិនទាន់ផ្ទុះ ប្រភេទគ្រាប់ក្បាល ៦០មីលីម៉ែត្រ ត្រង់ចំណុចភូមិជុញចាស់ ស្ថិតនៅក្នុងភូមិសែនរុងរឿង១ ឃុំទឹកក្រហម ស្រុកជាំក្សាន្ត ខេត្តព្រះវិហារ បណ្តាលឲ្យសិស្សសាលាម្នាក់រងរបួស។

ជនរងគ្រោះឈ្មោះ ខាន់ ពី ភេទប្រុស អាយុ ១៣ឆ្នាំ ទីលំនៅភូមិសែនរុងរឿង១ ឃុំទឹកក្រហម ស្រុកជាំក្សាន្ត ខេត្តព្រះវិហារ។

មូលហេតុ៖ ទៅជីកទំពាំងបានឃើញគ្រាប់ហើយលេងបណ្ដាលឲ្យផ្ទុះ។

សូមបញ្ជាក់៖ ករណីនេះ បណ្ដាលឲ្យជនរងគ្រោះរបួសបាតដៃខាងស្ដាំ ត្រូវបានក្រុមគ្រួសារយកទៅព្យាបាលនៅមន្ទីរពេទ្យបង្អែកស្រុកជាំក្សាន្ត ខេត្តព្រះវិហារ៕