ព្រះសីហនុ: យោងតាមសេចក្តីរាយការណ៍ពីខេត្តព្រះសីហនុបានឲ្យដឹងថាពាក់ពន្ធ័នឹងការរលំបាក់សំណង់អគារកំពុងសាងសង់កម្ពស់៧ជាន់) ស្ត្រីជនជាតិចិនមួយរូបដែលសមត្ថកិច្ចអះអាងថា ជាអ្នកទទួលខុសត្រូវសំណង់អគារដែលរំលំបាក់នេះ ត្រូវបានសមត្ថកិច្ចឃាត់ខ្លួននាំយកទៅសាកសួរហើយនាព្រឹកថ្ងៃ២២ ខែមិថុនា ឆ្នាំ២០១៩នេះ ស្របពេលដែលប្រតិបត្តិការសង្គ្រោះកំពុងធ្វើបន្តតាមរយ:កម្លាំងសរុបច្រើនរាប់រយនាក់។
អភិបាលខេត្តព្រះសីហនុ ដែលដឹកនាំផ្ទាល់ក្នុងប្រតិបត្តិការនេះមានប្រសាសន៍ថា គិតត្រឹមម៉ោង១០កន្លះព្រឹកថ្ងៃដដែលនេះ មានជនរងគ្រោះ ៣នាក់បានស្លាប់និង ១៨នាក់ផ្សេងទៀតរងរបួសធ្ងន់ស្រាល ។
សូមបញ្ជាក់ថា៖ អគារកំពុងសង់ថ្មីប្រភេទជាសណ្ឋាគារមួយកន្លែងនៅជិតកន្លែងលាងរថយន្តអារុណរះក្នុងសង្កាត់លេខ៤ក្រុងព្រះសីហនុ បានបាក់រលំ កាលពីវេលាម៉ោងជិត៥ព្រឹកថ្ងៃទី២២ ខែមិថុនា ឆ្នាំ២០១៩នេះ ដែលជាមហន្តរាយលើកដំបូងសម្រាប់វិសយ័សំណង់នៅខេត្តព្រះសីហនុ ហើយបើតាមមន្ត្រីជំនាញនានាថ្លែងថា ការបាក់រលំនេះកើតឡើងដោយសារបញ្ហាបច្ចេសសំណង់៕
មតិយោបល់