ព្រះសីហនុៈ (ព័ត៌មានបឋម) ប្រធានមន្ទីរពេទ្យបង្អែកខេត្ត បានឲ្យដឹងថា ក្រោយប្រកាសដំណឹងស្វែងរកសាច់ញាតិជនរងគ្រោះ ដោយសារគ្រោះថ្នាក់ចរាចរណ៍ ២នាក់ (ម្នាក់ស្លាប់ និងម្នាក់ទៀតរបួសធ្ងន់)។

បច្ចុប្បន្នមានសាច់ញាតិ បានមកដល់មន្ទីរពេទ្យហើយ ក្នុងនោះ៖
១. ឈ្មោះ ហន សុខបេង ភេទប្រុស អាយុ២២ឆ្នាំ រស់នៅខេត្តកំពត (ស្លាប់) សាច់ញាតិបានមកទទួលសាកសពហើយ នៅថ្ងៃទី៨ ខែកក្កដា ឆ្នាំ២០១៩ វេលាម៉ោង ៨ និង០០នាទីយប់ ។
២. ឈ្មោះ ឈុន ជៀន ភេទប្រុស អាយុ២៥ឆ្នាំ រស់នៅបិតត្រាំង ខេត្តព្រះសីហនុ (រងរបួស) សាច់ញាតិបានមកមើល ហើយនៅថ្ងៃទី៨ ខែកក្កដា ឆ្នាំ២០១៩ វេលាម៉ោង ៧ និង០០នាទីយប់ បច្ចុប្បន្នកំពុងសម្រាកព្យាបាលបន្ត នៅមន្ទីរពេទ្យបង្អែកខេត្តព្រះសីហនុ៕