ភ្នំពេញ: ទំនាស់នៅកន្លែងផឹក បណ្ដាលឲ្យស្រ្តីម្នាក់រត់ទៅប្តឹងអាជ្ញាធរសង្កាត់ចោមចៅកាលពីវេលាម៉ោង១និង៣០នាទី រសៀលថ្ងៃទី១៧ ខែកក្កដា ឆ្នាំ២០១៦ បន្ទាប់ពីលោកប្តីចិត្តក្តៅបានគប់ប្រពន្ធ១កំប៉ុងស្រាបៀរបួសបាក់ក្តោងច្រមុះ ខណ:ដែលទៅតាមហៅប្តីដែលយកពេលទំនេរទៅអង្គុយផឹកស៊ី។
ប្រភពឲ្យដឹងថា ស្រ្តីជាប្រពន្ធមានឈ្មោះ ចេន រាជនី អាយុ២៩ឆ្នាំ មុខរបរអាជីវករលក់ខោអាវនៅផ្សារកាណាឌីយ៉ា បុរសជាប្តីមានឈ្មោះ អេង សំអាត អាយុ៣១ឆ្នាំ និងមានកូនចំនួន២នាក់ ប្រុសម្នាក់ ស្រីម្នាក់ ក្នុងបន្ទុកគ្រួសារស្នាក់នៅផ្ទះជួលភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតភូមិក្បាយជ្រោយ ឃុំកំពង់ភ្នំ ស្រុកលើកដែក ខេត្តកណ្តាល។
បើតាមការរៀបរាប់ពីស្រ្តីជាប្រពន្ធបានឲ្យដឹងថា ពួកគាត់រៀបការត្រឹមត្រូវតាមប្រពៃណីតាមច្បាប់ មានចាស់ទុំសងខាងដឹងឮអស់រយ:ពេល៤ឆ្នាំកន្លងមកហើយ មកដល់ពេលនេះមានកូន២នាក់ ជាចំណងស្នេហ៍នៃអាពាហ៍ពិពាហ៍ ហើយបញ្ហាគ្រួសារកន្លងមកមិនដែលមានទំនាស់អ្វីរវាងប្តីប្រពន្ធឡើយ សុខស្រួលល្អណាស់អូនបងផ្អែមជាងទឹកឃ្មុំ ទើបតែមួយរយ:ដើមឆ្នាំ២០១៦ មិនដឹងជាមានរឿងអី ចិត្តលោកប្តី កើតរោគអ្វីចេះតែមួរម៉ៅ រករឿងក្នុងគ្រួសារដើរផឹកដើរស៊ីដូចក្មេងស្ទាវ។
ក្រោយពីរកអាជ្ញាធរសង្កាត់ជួយដោះស្រាយជម្លោះរវាងប្ដីប្រពន្ធមួយគូរ អាជ្ញាធរបានអប់រំនែនាំទាំងប្ដីទាំងប្រពន្ធ ឲ្យចេះអត់អោនឲ្យគ្នាទៅវិញទៅមកទើបរស់នៅបានសុខ និងមានសុភមង្គល៕
មតិយោបល់