Post News Media ព័ត៌មានជាតិ គ្រឿងញៀនបំផ្ល...

គ្រឿងញៀនបំផ្លាញការសិក្សា និងជីវិតស្រស់ថ្លារបស់យុវវ័យ ដូច្នេះសូមជៀសឲ្យឆ្ងាយពីវា

បាត់ដំបង: លោកឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង កាលពីពេលថ្មីៗកន្លងនេះ បានលើកឡើងថា គ្រឿងញៀនបំផ្លិចបំផ្លាញអនាគត គ្រួសារ ទ្រព្យសម្បត្តិ និងសង្គមជាតិយើង ការលើកឡើងដូចនេះគឺ នៅក្នុងពិធីសំណេះណាល និងអប់រំដល់ស្រទាប់យុវជន កំពុងសម្រាកព្យាបាលផ្ដាច់សារធាតុញៀន នៅមណ្ឌលកងរាជអាវុធហត្ថខេត្តបាត់ដំបង ដោយលោកឧត្តមសេនីយ៍ត្រី មេបញ្ជាការ កងរាជអាវុធហត្ដខេត្តបាត់ដំបង ក្នុងនោះផងដែរ លោក ឧត្តមសេនីយ៍ ក៏បានផ្ញើសារមួយចំនួនដល់យុវជនកំពុងសម្រាកព្យាបាល ផ្ដាច់សាធាតុញៀនត្រូវនិយាយថាទេ ចំពោះគ្រឿងញៀន យុវជនល្អ រួមគ្នាគាំទ្រ កំចាត់គ្រឿងញៀន គ្រឿងញៀនបំផ្លាញការសិក្សា និងជីវិតស្រស់ថ្លារបស់យុវវ័យ គ្រឿងញៀនបង្កឲ្យមានអំពើហិង្សា និងឧក្រិដ្ឋកម្ម រួមគ្នាបង្ការ និងដោះស្រាយបញ្ហាថ្នាំញៀន លុបបំបាត់ថ្នាំញៀន ត្រូវផ្ដើមចេញពីយើងទាំងអស់គ្នា យើងទាំងអស់គ្នា ត្រូវចូលរួមធ្វើឲ្យសង្គមគ្មានថ្នាំញៀន ដើម្បីសុខភាព និងអនាគត់ភ្លឺថ្លា សូមបដិសេធថ្នាំញៀន៕