ភ្នំពេញ: នៅថ្ងៃទី១៨ ខែកក្កដា ឆ្នាំ២០១៩ វេលាម៉ោង ០៨និង៣០នាទី ដោយអនុវត្តតាមបទបញ្ជាដឹកនាំរបស់លោកជា ពិសី អភិបាលខណ្ឌឬស្សីកែវ លោកស្រី សួស សូលីដា អភិបាលរងខណ្ឌ និងលោក ស៉ូ សារ៉ាត់ នាយករងរដ្ឋបាលខណ្ឌ បានដឹកនាំកម្លាំងគណ:បញ្ជាការ ឯកភាពខណ្ឌ សរុបចំនួន ២២នាក់ ចុះធ្វើការរៀបចំសណ្តាប់ធ្នាប់សាធារណ: និងរុះរើ កាត់ស្លាកយីហោដែលបានដំឡើង ដោយគ្មានការអនុញ្ញាតពីអាជ្ញាធរមានសមត្ថកិច្ច រំលោភលើចំណី ផ្លូវសាធារណ: និងការដំឡើងអក្សរខុសពីអក្សរជាតិ តាមការណែនាំរបស់ក្រសួងវប្បធម៌ និងវិចិត្រសិល្ប: នៅតាមសងខាងផ្លូវជាតិលេខ៥ ស្ថិតក្នុងភូមិឃ្លាំងសាំង សង្កាត់ប្ញស្សីកែវ ទទួលលទ្ធផលដូចខាងក្រោម ៖

-បានកាត់ស្លាកយីហោចំនួន ១២ផ្ទាំង ក្នុងនោះអាជីវករស្ម័គ្រចិត្ត កាត់ដោយខ្លួនឯង។
-សរុប០៤ថ្ងៃ រដ្ឋបាលខណ្ឌ កាត់បានចំនួន៣៥ ផ្ទាំង។

ដោយឡែកនៅថ្ងៃច័ន្ទថ្ងៃទី២២ ខែកក្កដា ឆ្នាំ២០១៩ គណ:បញ្ជាការឯកភាពខណ្ឌ បន្តចុះកាត់ស្លាកយីហោនៅទីតាំងខាងលើ បានចំនួន១១ផ្ទាំង ក្នុងនោះម្ចាស់ស្លាកយីហោ កាត់ដោយខ្លួនឯងចំនួន០២ផ្ទាំង។

ចំពោះមុខគណ:កម្មការ នឹងបន្តចុះអនុវត្តការងារនេះ នៅតាមដងផ្លូវសំខាន់ៗទាំងអស់ ក្នុងភូមិសាស្រ្តខណ្ឌឫស្សីកែវ រាជធានីភ្នំពេញជាបន្តទៀត៕