ផ្ទះ ព័ត៌មានជាតិ គ្រោះថ្នាក់​ច...

គ្រោះថ្នាក់​ចរាចរណ៍២​ថ្ងៃ​ជាប់គ្នា ​បណ្តាល​ឲ្យ​ស្លាប់​មនុស្ស​៣​នាក់​ នៅ​ខេត្តបន្ទាយមានជ័យ​

0

បន្ទាយមានជ័យ: មនុស្ស​៣​នាក់​បាន​ស្លាប់​ភ្លាមៗ​នៅ​នឹង​កន្លែង​ ក្នុង​ហេតុការណ៍​គ្រោះថ្នាក់​ចរាចរណ៍ ​២​ករណី​កើតឡើង​ ២​ថ្ងៃ​បន្តបន្ទាប់​ ដោយឡែក​ពី​គ្នា​ មួយ​ករណី​កើត​នៅ​ស្រុក​ថ្មពួក​ស្លាប់​២​នាក់​ និង​មួយ​ករណី​ទៀត​ស្លាប់​ម្នាក់​នៅ​ក្រុង​ប៉ោយ​ប៉ែ​ត​ ។​

​លោក​វរសេនីយ៍ត្រី​ អ៊ុយ​ ផ​ល្លី​ អធិការរង​នគរបាល​ស្រុក​ថ្មពួក​ បាន​ឲ្យ​ដឹង​ថា​ ​នៅ​ថ្ងៃ​ទី​០១​ ខែសីហា​ ឆ្នាំ​២០១៩​ វេលា​ម៉ោង​ ៦​និង​៣០​នាទី​យប់​ មាន​គ្រោះថ្នាក់​ចរាចរណ៍​មួយ​កើតឡើង​រវាង​ម៉ូតូ​បុក​រថយន្ត​ នៅ​ចំណុច​ភូមិ​តា​យឹ​ង​ឃុំ​គំរូ​ស្រុក​ថ្មពួក​ខេត្តបន្ទាយមានជ័យ​ លើ​ផ្លូវជាតិ​លេខ​២៥៦២​ ក្នុង​ដំណើរ​ច្រាស់ទិស​គ្នា​ពី​លិច​មក​កើត​បណ្តាល​ឲ្យ​អ្នកបើកបរ​មូ​តូ​និង​អ្នក​រួម​ដ​ណើ​រ​ស្លាប់​២​នាក់​នៅ​និង​កន្លែង​។​

​លោក​អធិការរង​បាន​ឲ្យ​ដឹង​ទៀត​ថា​ ក្រោយ​ពី​កើតហេតុ​ កម្លាំង​នគរបាល​ប៉ុស្តិ៍​និង​កម្លាំង​នគរបាល​ជំនាញ​ចរាចរ​ណ៍ បាន​ចុះ​ទៅ​ធ្វើការ​ត្រួតពិនិត្យ​និង​វាស់វែង​ កន្លែង​កើតហេតុ​ ។​ ជន​រង​គ្រោះ​ឈ្មោះ​ លាវ​ ពិសិដ្ឋ​ ហៅ​សុទ្ធ​ ភេទ​ប្រុស​ អាយុ ​២៥​ឆ្នាំ​ ជា​មុខរបរ​កសិករ​ នៅ​ភូមិ​កណ្តោល​ ឃុំ​គោក​រមៀត​ ស្រុក​ថ្មពួក​ ខេត្តបន្ទាយមានជ័យ​ និង​ម្នាក់​ទៀត​ឈ្មោះ​ ឈួ​ន​ ឈិ​ន​ ភេទ​ប្រុស​ អាយុ​ ៣៨​ឆ្នាំ​ ជា​កសិករ​នៅ​ភូមិ​ជាមួយ​គ្នា​ ។​

​តាម​ការ​ឲ្យ​ដឹង​ពី​កន្លែង​កើតហេតុ​ ជន​រង​គ្រោះ​បាន​បើក​ម៉ូតូ​ម៉ាក​ហុងដា​ឌ្រី​ម​ ធុន​សេ​១២៥​ ពណ៌​ខ្មៅ​ ពាក់​ស្លាក​លេខ​ ប​.​ជ​ 1Q.2836​ បើក​ក្នុង​ទិ​ដៅ​ ពី​លិចទៅ​កើត​ ដល់​ចំណុច​កើតហេតុ​បាន​បុក​ជាមួយ​រថយន្ត​ ម៉ាក​ឡុ​ច​ស៊ី​ស​ RX300​ ពណ៌​ស្ក​ពាក់​ស្លាក​លេខ​ ភ្នំពេញ​ 2M-8901​ បើកបរ​ក្នុង​ទិស​ដៅ​ ច្រាសទិស​គ្នា​ពី​កើត​ទៅ​លិច​ អ្នកបើកបរ​មិន​ត្រូវ​បាន​គេ​ស្គាល់ឈ្មោះ​ រត់គេច​ខ្លួន​បាត់​ ។​ ចំពោះ​មូលហេតុ​បង្ក​ឲ្យ​មាន​គ្រោះថ្នាក់​អ្នកបើកបរ​ម៉ូតូ​មិន​ប្រកាន់​ស្តាំ​បើក​រេ​ពេញ​ផ្លូវ​សង្ស័យ​ស្រវឹង​។​ សព​ជន​រង​គ្រោះ​ក្រោយ​ពី​ពិនិត្យ​រួច​បាន​ប្រគល់​ជូន​ក្រុម​គ្រួសារ​ យក​ទៅ​ចាត់ចែង​ធ្វើបុណ្យ​តាម​ប្រពៃណី​ ។​

ចំពោះ​វត្ថុ​តាង​ម៉ូតូ​និង​រថយន្ត​យក​មក​រក្សា​ទុក​នៅ​កន្លែង​កើតហេតុ​ រង់ចាំ​ធ្វើការ​ដោះស្រាយ​ពេល​ក្រោយ​ ​មួយ​ករណី​ទៀត​ នៅ​ក្រុង​ប៉ោយ​ប៉ែ​ត​ រវាង​រថយន្ត​បុក​ជាមួយ​ម៉ូតូ​ស្លាប់​ម្នាក់​ ។​ លោក​វរសេនីយ៍ទោ​ សួន​ នី​ប៉ូ​ នាយ​រង​ការិយាល័យ​នគរបាល​ចរាចរ​ខេត្ត​ បាន​ឲ្យ​ដឹង​ថា​ កាលពី​ថ្ងៃ​ទី​២​ ខែកក្កដា​ ឆ្នាំ​២០១៩​ វេលា​ម៉ោង​ ៧​និង​៥០​នាទី​យប់​ លើ​ផ្លូវជាតិ​លេខ​៥​ ត្រង់​ចំណុច​ខាងលិច​ វត្ត​អណ្ដូង​ថ្ម​មាស​ប្រហែល ​៨០០​ម៉ែត្រ​ ស្ថិត​ក្នុងភូមិ​អណ្ដូង​ថ្ម​មាស​ សង្កាត់​ផ្សារ​កណ្តាល​ ក្រុង​ប៉ោយ​ប៉ែ​ត​ ខេត្តបន្ទាយមានជ័យ​ មាន​ម៉ូតូ​មួយ​គ្រឿង​ម៉ាក​ហុងដា​ឌ្រី​ម​សេ​១០០​ពណ៌​ ព្រីង​ទុំ​ ពុំ​មាន​ស្លាក​លេខ​ បើកបរ​ដោយ​ឈ្មោះ​ ហិន​ វិត​ ភេទ​ប្រុស​ អាយុ ​៣៩​ឆ្នាំ​ មុខរបរ​កម្មករ​ រស់នៅ​ក្នុងភូមិ​ស្ទឹង​បត់​ សង្កាត់​ផ្សារ​កណ្ដាល​ ក្រុង​ប៉ោយ​ប៉ែ​ត​ ខេត្តបន្ទាយមានជ័យ​។​

​លោកនាយ​រង​ការិយាល័យ​បាន​ឲ្យ​ដឹង​ទៀត​ថា​ មុន​ពេល​កើតហេតុ​ អ្នក​ម៉ូតូ​បាន​បើកបរ​ឆ្លងផ្លូវ​ពី​ទិស​ខាងត្បូង​ទៅ​ទិស​ខាងជើង​ ពេល​ឆ្លង​បាន​បន្តិច​ស្រាប់តែ​មាន​រថយន្ត​មួយ​គ្រឿង​ម៉ាក​សាំង​យ៉ុ​ង​ ១៥​ កៅអី​ ពណ៌​ស​ ពាក់​ស្លាក​លេខ​ភ្នំពេញ​ 2AP-7014​ (​ក្តាប់​អត្តសញ្ញាណ​អ្នកបើកបរ​ពុំ​ទាន់​បាន​)​ បើកបរ​ ទិស​ដៅ​ពី​ខាង​លិចទៅ​ទិស​ខាងកើត​បាន​បុក​ម៉ូតូ​ឆ្លងផ្លូវ​ខាងលើ​ បណ្ដាល​ឲ្យ​គ្រោះថ្នាក់​ស្លាប់​អ្នក​បើក​ម៉ូតូ​តែ​ម្ដង​។​

មូលហេតុ​៖ បង្ក​ឲ្យ​កើត​មាន​គ្រោះថ្នាក់​នេះ​ គឺ​អ្នក​បើក​ម៉ូតូ​ ឆ្លងផ្លូវ​ ពុំ​មាន​ភ្លើង​បំភ្លឺ​ផ្លូវ​ ចំណែក​រថយន្ត​បើក​លឿន​ ។​ សព​ជន​រង​គ្រោះ​ក្រោយ​ធ្វើការ​ត្រួតពិនិត្យ​រួច​បាន​ប្រគល់​ជូន​ក្រុម​គ្រួសារ​ ចាត់ចែង​ធ្វើបុណ្យ​តាម​ប្រពៃណី​ ​ចំណែក​វត្ថុ​តាង​ម៉ូតូ​និង​រថយន្ត​ យក​មក​រក្សា​ទុក​នៅ​អធិការដ្ឋាន​នគរបាល​ ក្រុង​ប៉ោយ​ពែ់​ត​ រង់ចាំ​ធ្វើការ​ដោះស្រាយ​នៅ​ពេល​ក្រោយ​ផង​ដែរ​៕

មតិយោបល់

Loading...