ភ្នំពេញ: យុវជនញៀនថ្នាំម្នាក់ បន្ទាប់ពីចេញពីមណ្ឌលកែប្រែគ្រឿងញៀនឱកាសខ្ញុំរយ:០៦ខែ ហើយបងប្រុសយកត្រឡប់មកផ្ទះវិញ នៅតែដើរផឹកស្រាស្រវឹង និងសេពគ្រឿងញៀនបន្តទៀតនោះ ត្រូវបានបងប្រុសស្តី បន្ទោសនិងគំរាមយកទៅមណ្ឌលកែប្រែគ្រឿងញៀនឱកាសខ្ញុំវិញ ដើម្បីបន្សាបគ្រឿងញៀនបន្តទៀត ក៏កើតចិត្តខឹងនឹងបងបង្កើតខ្លួនរហូតឈាន ដល់សម្រេចចិត្តចង.កសម្លាប់ខ្លួន នៅលើដើមស្តៅ ក្នុងដីឡូតិ៍គ្មានលេខ ផ្លូវបេតុង ភូមិកោះនរា សង្កាត់និរោធ ខណ្ឌច្បារអំពៅ វេលាម៉ោង៧និង៣០នាទី ថ្ងៃទី១៣ ខែសីហា ឆ្នាំ២០១៩ ។
តាមរបាយការណ៍ បានឲ្យដឹងថា ជនរងគ្រោះឈ្មោះ អ៊ឹម.ចាន់ប្រសេត ភេទប្រុស អាយុ៣០ឆ្នាំ មុខរបរ នៅផ្ទះទីលំនៅផ្ទះលេខ៨៨ស្ទួន ផ្លូវបេតុង ភូមិកោះនរា សង្កាត់ និរោធខណ្ឌ ច្បារអំពៅ។
ប្រភពព័ត៌មានដែលក្តាប់បានពីឈ្មោះ អ៊ឹម.ចាន់ប្រសើរ ភេទប្រុស អាយុ៣២ឆ្នាំ មុខរបរ លក់ដូរ ទីលំនៅផ្ទះជួល ផ្លូវលំ ភូមិកោះនរា សង្កាត់និរោធខណ្ឌច្បារអំពៅ ដែលត្រូវជាបងប្រុសបង្កើតជនរងគ្រោះ បានឲ្យដឹងថា កន្លងមកប្អូនប្រុសគាត់ប្រើប្រាស់គ្រឿងញៀន និងផឹកស្រាជាប្រចាំ រួចបានយកទៅដាក់នៅមណ្ឌលកែប្រែគ្រឿងញៀនឱកាសខ្ញុំរយ:ពេល៦ខែ លុះដល់ថ្ងៃទី០៩ ខែមីនា ឆ្នាំ២០១៩ គាត់ក៏ទៅយកប្អូនមកផ្ទះវិញ។
នៅថ្ងៃទី១០ ខែសីហា ឆ្នាំ២០១៩ វេលាម៉ោង១៨និង០០នាទី ជនរងគ្រោះបានផឹកស្រាស្រវឹងដេកនៅលើផ្ទះ ពេលនោះគាត់ក៏ស្តីឲ្យថា បើឯងនៅតែផឹកនិងប្រើប្រាស់គ្រឿងញៀនទៀត អញនិងចាប់ដាក់មណ្ឌលទៀតហើយ ពេលនោះប្អូនគាត់ខឹងក៏យកសារុងរបស់ម្តាយហែកជាចំណង រួចគាត់ក៏ថា បើឯងចង.កកុំចងនៅក្នុងផ្ទះទៅចងខាងក្រៅទៅ រួចក៏ចេញទៅក្រៅផ្ទះបាត់ ។ លុះដល់ថ្ងៃកើតហេតុខាងលើ ស្រាប់តែមានអ្នកជិតខាងមកប្រាប់គាត់ថា ប្អូនប្រុសបានចង.កឡើងហើមស្អុយស្លាប់បាត់ទៅហើយ។
តាមការសន្និដ្ឋានរបស់សមត្ថកិច្ច ៖ ជនរងគ្រោះពិតជាស្លាប់ដោយចង.ក ធ្វើអត្តឃាត។ បច្ចុប្បន្ន សាកសពប្រគល់ឲ្យបងប្រុសយកទៅធ្វើបុណ្យតាមប្រពៃណី៕
មតិយោបល់