កំពង់ស្ពឺៈ ថ្ងៃទី១២ ខែសីហា ឆ្នាំ២០១៩នៅចំណុចភូមិ៣ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កម្លាំងមូលដ្ឋានកងរាជ
អាវុធហត្ថស្រុកភ្នំស្រួច ដឹកនាំដោយលោក វរៈសេនីយ៍ត្រី យស ឌីណា មេបញ្ជាការមូលដ្ឋានកងរាជអាវុធហត្ថ ស្រុកភ្នំស្រួច បាន
ឃាត់ខ្លួនជនសង្ស័យម្នាក់ ឈ្មោះ ខុំ អ៊ឹម ភេទស្រី អាយុ ៣២ឆ្នាំ មុខរបរលក់ដូរ មានទីលំនៅភូមិឃុំខាងលើ។

តាមដីបង្គាប់ឲ្យចាប់ខ្លួនរបស់លោក ថៃ គឹមមុនី ចៅក្រមស៊ើបសួរលេខ១២០ ដ.ប.ច ចុះថ្ងៃទី០១ ខែមេសា ឆ្នាំ២០១៩ ពីបទរក្សាទុក ប្ញុជួញដូរដោយខុសច្បាប់ នូវសារធាតុញៀន ។

បច្ចុប្បន្ន ជនសង្ស័យបានបញ្ជូនមកបញ្ជាការដ្ឋានកងរាជអាវុធហត្ថខេត្ត ដើម្បីអនុវត្តតាមនីតិវិធីច្បាប់៕