ផ្ទះ ព័ត៌មានជាតិ ព័ត៌មានលម្អិត...

ព័ត៌មានលម្អិត៖ ដឹងច្បាស់ហើយ! តាមពិតប្រពន្ធ​បាន​ដាក់​ថ្នាំ​បំពុល​សម្លាប់​ប្តី​និង​កូន​ រួច​ធ្វើ​អត្តឃាត​ខ្លួនឯង​ បណ្តាល​ឱ្យ​ស្លាប់​ពេល​បញ្ជូន​ដល់​មន្ទីរពេទ្យ​

0

​ព្រះ​សីហ​នុ:​ យោងតាមផេកនគរបាលជាតិ បានឲ្យដឹងថា ​ដោយយោងតាមសមត្ថកិច្ច​ខេត្ត​ព្រះ​សីហ​នុ​ បានបញ្ជាក់​ថា ​ប្រពន្ធ​បាន​ដាក់​ថ្នាំ​បំពុល​សម្លាប់​ប្តី​និង​កូន​រួច​ធ្វើ​អត្តឃាត​ខ្លួនឯង​តាម​ក្រោយ​បណ្តាល​ឱ្យ​ស្លាប់​ពេល​បញ្ជូន​ដល់​មន្ទីរពេទ្យ​។​ ហេតុការណ៍​ខាងលើ​បាន​កើតឡើង​ នៅ​ថ្ងៃ​ទី​២០​ ខែសីហា​ ឆ្នាំ​២០១៩​ វេលា​ម៉ោង​២០​នឹង​១០​នាទី​ នៅ​ចំណុច​ ផ្សារ​ពាណិជ្ជកម្ម​ ស្ថិត​ក្នុង​ក្រុម​ទី​៧​ ភូមិ​៣​ សង្កាត់​២​ ក្រុង​-​ខេត្ត​ព្រះ​សីហ​នុ​។​

​សមត្ថកិច្ច​បន្ត​ថា​មុន​ពេល​កើតហេតុ​ កម្លាំង​នគរបាល​ប៉ុស្តិ៍​រដ្ឋបាល​សង្កាត់​២​ បាន​ទទួល​ព័ត៌មាន​ថា​ នៅផ្ទះ​ជួល​របស់​ឈ្មោះ​ យ៉ា​ន់​ សុ​ផុ​ន​ ភេទ​ស្រី​ អាយុ​៦៥​ឆ្នាំ​ មាន​មនុស្ស​ដេក​ស្លាប់​ក្នុងផ្ទះ​ជួល​ ដែល​មាន​ចាក់សោរ​ជាប់​ពី​ខាងក្នុង​។​ ភ្លាមៗ​នោះ​កម្លាំង​ជំនាញ​ចុះ​ទៅ​ដល់​កន្លែង​កើតហេតុ​ឃើញ​ថា​ទ្វារផ្ទះ​ត្រូវ​បាន​ម្ចាស់ផ្ទះ​ជួល​ និង​សាច់ញ្ញាតិ​ជន​រង​ គ្រោះ​ ព្រមទាំង​ប្រជាពលរដ្ឋ​កំពុង​នាំ​គ្នា​គាស់​ រួច​ចូល​ទៅ​ក្នុងផ្ទះ​ ឃើញ​មាន​មនុស្ស​២​នាក់​ដេក​ស្លាប់​ក្នុង​បន្ទប់​ (​ឪពុក​និង​កូនស្រី​)​ ចំណែក​ម្តាយ​នៅ​មាន​ដង្ហើម​ ក៍​បញ្ជូន​ទៅ​សង្គ្រោះ​នៅ​មន្ទីរពេទ្យ​បង្អែក​ខេត្ត​ ហើយ​ក្រោយមក​បាន​ស្លាប់​ នៅ​វេលា​ម៉ោង​២៣​នឹង​២០​នាទី​។​

​សមត្ថកិច្ច​បន្ថែម​ថា​ជន​រង​គ្រោះ​ទី​១-​ឈ្មោះ​ ខេ​ង​ ភេទ​ប្រុស​ អាយុ​៤៣​ឆ្នាំ​ មុខរបរ​ មេការ​ជាង​កញ្ចក់​ ត្រូវជា​ប្តី​(​ស្លាប់​),​ ទី​២-​ឈ្មោះ​ លី​ ស៊ីវ​ឈី​ង​ ភេទ​ស្រី​ អាយុ​១២​ឆ្នាំ​ មុខរបរ​សិស្ស​ ត្រូវជា​កូន​ (​ស្លាប់​)​ និង​ទី​៣-​ឈ្មោះ​ ម៉ឹង​ សុផល​ ភេទ​ស្រី​ អាយុ​៤១​ឆ្នាំ​ មុខរបរ​អ៊ុតសក់​ (​ស្លាប់​នៅ​មន្ទីរពេទ្យ​បង្អែក​ខេត្ត​ )​។​

​តាម​ការ​ពិនិត្យ​កន្លែង​កើតហេតុ​ និង​សាកសព​ ជាបឋម​ កម្លាំង​ជំនាញ​បាន​សន្និដ្ឋាន​ជំ​ហ៊ាន​ដំបូង​ថា​ជា​ករណី​ធ្វើ​អត្តឃាត​ (​អាច​កើតឡើង​ដោយសារ​ប្រពន្ធ​ ដាក់​ថ្នាំពុល​សម្លាប់​ប្តី​និង​កូន​ រួច​ធ្វើ​អត្តឃាត​ខ្លួនឯង​ជា​ក្រោយ​)​ ហើយ​តាម​ការ​ស្រាវជ្រាវ​ក្រុម​គ្រួសារ​នេះ​រស់នៅ​មិនសូវ​ចុះសម្រុង​នឹង​គ្នា​ឡើយ​។​

​បច្ចុប្បន្ន​សាកសព​ បាន​យក​ទៅ​តម្កល់​ទុក​នៅ​វត្ត​ឥន្ទ​ញ្ញាណ​ ហៅ​វត្ត​ក្រោម​ ស្ថិត​ក្នុង​សង្កាត់​៣​ ក្រុងព្រះសីហនុ​ ដើម្បី​បន្ត​តាម​នីតិវិធី​ ៕

Leave a Reply

This site uses Akismet to reduce spam. Learn how your comment data is processed.