ផ្ទះ ព័ត៌មានជាតិ នារីវ័យក្មេង ...

នារីវ័យក្មេង ក្នុងសភាពអារម្មណ៍មិនប្រក្រតី អាជ្ញាធរ សមត្ថកិច្ចនាំទៅសំចតនៅសាលាសង្កាត់

0

ភ្នំពេញ: នារីវ័យក្មេងម្នាក់ ខណ:ដែលកំពុងមានអារម្មណ៍ មិនប្រក្រតី មិននិយាយស្តីអ្វីទាំងអស់ ដៃជើងដងខ្លួនញ័រញ៉ាកទទ្រើក មិនដឹងថាត្រូវថ្នាំ ឬ ប្រតិកម្មថ្នាំញៀននោះទេ ឈរទ្រឹងតាមផ្លូវ ត្រូវបានប្រជាពលរដ្ឋជួយនិងរាយការណ៍ប្រាប់សមត្ថកិច្ច អាជ្ញាធរ ឲ្យជួយអន្តរាគមន៍ កាលពីវេលាម៉ោង១និង៣០នាទីរសៀល ថ្ងៃទី២០ ខែសីហា ឆ្នាំ២០១៩ នៅតាមផ្លូវបេតុង១៩៧០ ភូមិពោងពាយ សង្កាត់ភ្នំពេញថ្មី ខណ្ឌសែនសុខ ។

នារីខាងលើ អាយុប្រហែល ១៨ឆ្នាំ មិនស្គាល់អត្តសញ្ញាណ ដោយមិននិយាយស្តីអ្វីទាំងអស់ មិនដឹងថាមានបញ្ហាផ្លូវចិត្ត ប្រតិកម្មថ្នាំញៀន ឬជំងឺក្នុងខ្លួនឡើយ ស្លៀកខោយឺតជើងវែង ពណ៌ខៀវ អាវយឺត ដៃខ្លី ពណ៌ប្រផេះ ស្ពាយកាបូប ។

ក្រោយពីសមត្ថកិច្ចនាំនាងយកទៅសំចតជាបណ្តោះអាសន្ននៅសាលាសង្កាត់ភ្នំពេញថ្មី អាជ្ញាធរ សមត្ថកិច្ចភ្លេចខ្លួន រត់ចេញ ច្រើនលើកច្រើនសារ រត់ឡើងកង់បី ទាំងមិននិយាយស្តីអ្វីទាំងអស់ ។

ដោយខ្លាចកើតមានបញ្ហា គ្រោះថ្នាក់ដោយប្រកាណាមួយដល់រូបនាង កម្លាំងអាជ្ញាធរ តាមចាប់ឃាត់ នាំចូលទៅអង្គុយជាបណ្តោះអាសន្ន នៅសាលាសង្កាត់ អស់ជាច្រើនម៉ោង សាកសួរយ៉ាងម៉េចក៏នាងមិនឆ្លើយ ។

អាជ្ញាធរ អំពាវនាវផងដែរដល់ សាធារណ:ជន ដែលបានស្គាល់ សាច់ញាតិ ក្រុមគ្រួសារ បានឃើញ ស្គាល់ ភិនភាគនារីខាងលើ សូមសាកសួរ នៅសាលាសង្កាត់ភ្នំពេញថ្មី ៕

Loading...

Leave a Reply

This site uses Akismet to reduce spam. Learn how your comment data is processed.