ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កម្លាំងជំនាញខណ្ឌឫស្សីកែវ សហការជាមួយកម្លាំងជំនាញខណ្ឌចម្ការមន ធ្វើការឃាត់ជនសង្ស័យបានម្នាក់ នៅចំណុចផ្សារទួលទំពូង ក្នុងសង្កាត់ទួលទំពូងទី១ ខណ្ឌចម្ការមន រាជធានីភ្នំពេញ ពាក់ព័ន្ធករណីលួចម៉ូតូ ។
ជនសង្ស័យបានធ្វើសកម្មភាពលួចម៉ូតូម៉ាកហុងដាC125 ពណ៌ខ្មៅ ពាក់ស្លាកលេខភ្នំពេញ 1GL-9669 ស៊េរីឆ្នាំ២០១៧ កាលពីថ្ងៃទី០៣ ខែសីហា ឆ្នាំ២០១៩ វេលាម៉ោង១៥និង៣០នាទី នៅចំណុចផ្ទះគ្មានលេខ ផ្លូវបេតុង ក្រុមទី៧ភូមិស្វាយប៉ាក សង្កាត់ស្វាយប៉ាក ដែលមានម្ចាស់ឈ្មោះ វិន ធីហាវ ភេទស្រី អាយុ៤៤ឆ្នាំ ជនជាតិវៀតណាម មុខរបរលក់ដូរ ស្នាក់នៅកន្លែងកើតហេតុ ។
ជនសង្ស័យឈ្មោះ ធី ភារុណ ភេទប្រុស អាយុ២១ឆ្នាំ មុខរបរគ្មាន ស្នាក់នៅផ្ទះជួលលេខ១៩ ផ្លូវ១៧៨ សង្កាត់ជ័យជម្នះ ខណ្ឌដូនពេញ (មានសារធាតុញៀន) ។
ក្នុងនោះសមត្ថកិច្ចដកហូតម៉ូតូ១គ្រឿងម៉ាកនិច ពណ៌ខ្មៅ ពាក់ស្លាកលេខភ្នំពេញ 1GL-4322 , ទូរសព្ទអិនចុចពិល១គ្រឿង ។ បច្ចុប្បន្ន ជនសង្ស័យ រួមនឹងវត្ថុតាង កម្លាំងជំនាញកសាងសំណុំរឿងអនុវត្តបន្តតាមនីតិវិធី ៕
មតិយោបល់