ត្បូងឃ្មុំៈ កម្លាំងជំនាញនៃអធិការដ្ឋាននគរបាលស្រុកមេមត់ បានចុះធ្វើការល្បាតត្រួតពិនិត្យនៅក្នុងមូលដ្ឋានដែនសមត្ថកិច្ចរបស់ខ្លួន ហើយឈានទៅដល់ឃាត់ខ្លួនមុខសញ្ញាជនសង្ស័យចំនួន២នាក់ ដែលជាប់ពាក់ព័ន្ធករណីគ្រឿងញៀន ព្រមទាំងធ្វើការដកហូតបាននូវវត្ថុតាងមួយចំនួនផងដែរ កាលពីវេលាម៉ោង៨និង៤០នាទីយប់ ថ្ងៃទី២០ កក្កដា ស្ថិតក្នុងភូមិត្បូងវត្ត ឃុំមេមត់ ស្រុកមេមត់ ខេត្តត្បូងឃ្មុំ។
សមត្ថកិច្ចបានឲ្យដឹងថា ជនសង្ស័យដែលត្រូវឃាត់ខ្លួនរួមមាន៖ ទី១-ឈ្មោះវ័ន ជិនហ៊ី ភេទប្រុស អាយុ២៩ឆ្នាំ នៅភូមិខ្នងក្រពើលិច ឃុំជាំតាមៅ ស្រុកមេមត់។ ទី២-ឈ្មោះវិត កាលី ហៅអូន ភេទប្រុស អាយុ២៥ឆ្នាំ នៅភូមិតាមៅកើត ជាំតាមៅ ស្រុកមេមត់។
ក្រោយពីឃាត់ខ្លួនជនសង្ស័យខាងលើ សមត្ថកិច្ចបានរកឃើញម្សៅក្រាមពណ៌ស សង្ស័យជាថ្នាំញៀនចំនួន១កញ្ចប់ធំ និងម៉ូតូចំនួន២គ្រឿងជាមធ្យោបាយ បម្រើឲ្យបទល្មើសផងដែរ។
បច្ចុប្បន្ន ជនសង្ស័យទាំង២នាក់រួមជាមួយនិងវត្ថុតាង ត្រូវបានឃុំខ្លួនបណ្តោះអាសន្ននៅអធិការដ្ឋាននគរបាលស្រុកមេមត់ ដើម្បីធ្វើការសួរនាំស្រាវជ្រាវរកមេក្លោង ឬបក្ខពួកមួយចំនួនទៀត៕
មតិយោបល់