ផ្ទះ ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួន ២នាក់ប្ដីប្រពន្ធ ករណីជួញដូរគ្រឿងញៀន

0

បាត់ដំបង: ដោយមានការចង្អុលបង្ហាញ ពីឯកឧត្តមឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង និង ការដឹកនាំបញ្ជាពីលោកវរសេនីយ៍ឯក ពេជ្រ សារ៉ែន អធិការនគរបាលស្រុកសំពៅលូន នៅថ្ងៃទី២៨ ខែសីហា ឆ្នាំ២០១៩ វេលាម៉ោង ៣និង២០នាទី ចំណុចភូមិគីឡូ១៣ ឃុំសន្តិភាព ស្រុកសំពៅលូន កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុក បានបង្ក្រាបករណីជួញដូរគ្រឿងញៀនហាមឃាត់ខុសច្បាប់ ចំនួន ១ករណី ឃាត់ខ្លួនជនសង្ស័យចំនួន ២នាក់÷
១/ឈ្មោះ យឿន ក្រេះ ភេទប្រុស អាយុ ៣៥ឆ្នាំ
២/ឈ្មោះ សិទ្ធ ស្រីវីន ភេទស្រី អាយុ ៣៨ឆ្នាំ អ្នកទាំងពីរជាប្ដីប្រពន្ធនិងគ្នាមានទីលំនៅស្នាក់បណ្តោះអាសន្នចំណុចខាងលើដកហូតវត្ថុតាង៖
– ថ្នាំញៀនម៉ាទឹកកកចំនួន ៧ថង់
– ថ្នាំញៀនយ៉ាម៉ា ចំនួន ៣២គ្រាប់ និងមួយចំហៀងគ្រាប់
– សម្ភារ:សម្រាប់ជក់ថ្នាំញៀនមួយចំនួន
– ថង់សម្រាប់ច្រកថ្នាំញៀនលក់មួយចំនួន
– ប្រាក់ខ្មែរ ចំនួន ២៨ម៉ឺនរៀល
– ប្រាក់បាត ចំនួន ៣៤០បាត
– ប្រាក់ដុល្លារ ចំនួន ៦០ដុល្លារ
– ទូរស័ព្ទដៃ ចំនួន ១គ្រឿង (ចាស់)
បច្ចុប្បន្ន ជនសង្ស័យ និងវត្ថុតាងកម្លាំងសមត្ថកិច្ចយើង បានកសាងសំណុំរឿង បញ្ជូនទៅសាលាដំបូងខេត្តបាត់ដំបង ចាត់ការតាមនីតិវិធីច្បាប់៕

Leave a Reply

This site uses Akismet to reduce spam. Learn how your comment data is processed.