ព័ត៌មានជាតិ

ស្រវឹងស្រា បង្កហិង្សាកាប់បុរស​ គ​ ម្នាក់រងរបួសធ្ងន់

កំពង់ចាម:​ យោងតាមផេកការិយាល័យផ្សព្វផ្សាយ តាមបណ្តាញសង្គម បានឲ្យដឹងថា នៅថ្ងៃទី២៩ ខែសីហា ឆ្នាំ២០១៩ ម៉ោង២១ និង៣០នាទី ចំណុចភូមិរកាទ្វារ ឃុំព្រែកពោធិ៍ ស្រុកស្រីសន្ធរ កើតមានករណីហិង្សាដោយចេតនា បង្កឡើងដោយឈ្មោះ បឿន សង្ហា (ហៅជ្រុញ) ភេទប្រុស អាយុ៣៧ឆ្នាំ ជនជាតិខ្មែរ មានទីលំនៅភូមិស្វាយស្រណោះទី១ ឃុំរកាអារ ស្រុកកងមាស​ ខេត្តកំពង់ចាម មុខរបរជាកម្មករនេសាទ បានយកកាំបិតបុ័ងតោកាប់ទៅលើឈ្មោះ យ៉ ថាញ់ប៊ិន ភេទប្រុស អាយុ៣៥ឆ្នាំ ជាជនជាតិវៀតណាម (មនុស្ស គ)។

ឯកសារត្រួតពិនិត្យគ្រួសារជនបរទេសអន្តោប្រវេសន៌ លេខកូដសម្គាល់៣១៤០៩/១៣ (គ្រួសារង្វៀង ធីទឺ) នៅភូមិរកាទ្វារឃុំព្រែកពោធិ៍ ស្រុកស្រីសន្ធរ បណ្តាលឲ្យរបួសចំនួន០២កន្លែង ចំកញ្ចឹងកខាងឆ្វេង០១កន្លែង​ និងចំបាតដៃខាងស្តាំ០១កន្លែង (ជនបង្កស្រវឹងស្រា)។

ជនរងគ្រោះ ត្រូវបានក្រុមគ្រួសារបញ្ជូនទៅសង្គ្រោះនៅភ្នំពេញ ចំណែកជនសង្ស័យ ត្រូវសមត្ថកិច្ចយើងឃាត់ខ្លួន បញ្ជូនមកអធិការដ្ឋាន ដើម្បីកសាងសំណុំរឿងទៅតាមនីតិវិធី៕

មតិយោបល់