ផ្ទះ ព័ត៌មានជាតិ ក្រុម កាប់ដោយ...

ក្រុម កាប់ដោយកាំបិត ពូថៅ វាយនឹងបំពង់ទីប ពេលនេះជាប់ខ្នោះរបស់សមត្ថកិច្ចហើយ

0

បាត់ដំបង: ដោយអនុវត្តតាមការណែនាំបញ្ជាផ្ទាល់ពីឯកឧត្តមឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោក ឧត្តមសេនីយ៍ត្រី ជេត វណ្ណនី ស្នងការរងផែនការងារនគរបាលព្រហ្មទណ្ឌថ្ងៃទី ២ ខែកញ្ញា ឆ្នាំ២០១៩ វេលាម៉ោង ១និង៤០ នាទី រំលងអាធ្រាត្រនៅចំណុចជិតរង្វង់មូលលោកតាដំបងក្រញូង ស្ថិតក្នុងភូមិរំចេក៥ សង្កាត់រតន: ក្រុងបាត់ដំបង ខេត្តបាត់ដំបង លោកវរសេនីយ៍ទោ ឈឿង គឹមសុង ប្រធានការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប បានចុះប្រតិបត្តិការបង្ក្រាបករណី ហិង្សាដោយចេតនាមានស្ថានទម្ងន់ទោស ( កាប់ដោយកាំបិត ) មួយករណីដែលកើតហេតុកាលពីថ្ងៃទី១៨ ខែសីហាឆ្នាំ ២០១៩ វេលាម៉ោង ៧ និង ០០ នាទីនៅចំណុចផ្លូវហាយវ៉េ ស្ថិតក្នុងភូមិកំពង់សីមា សង្កាត់វត្តគរ ក្រុងបាត់ដំបង ខេត្តបាត់ដំបង ។
ក្នុងកិច្ចប្រត្តិបត្តិការនេះសម្ថកិច្ចយើងឃាត់ខ្លួនបានជនសង្ស័យចំនួន 3នាក់
1ឈ្មោះ មាស វិចិត្រ ភេទប្រុស អាយុ 25 ឆ្នាំមានទីលំនៅ ភូមិខ្សាច់ពោយ សង្កាត់វត្តគរ ក្រុងបាត់ដំបង ខេត្តបាត់ដំបង។
2ឈ្មោះ ពុធ សុវណ្ណរ: ភេទប្រុស អាយុ 25 ឆ្នាំមានទីលំនៅភូមិខ្សាច់ពោយ សង្កាត់វត្តគរ ក្រុងបាត់ដំបង ខេត្តបាត់ដំបង។
3ឈ្មោះ ផល សុផា ហៅប៉ែត ភេទប្រុស អាយុ 20 ឆ្នាំមានទីលំនៅភូមិព្រែកព្រះស្ដេច សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង ។
ចំណែកជនរងគ្រោះចំនួន 2 នាក់
1ឈ្មោះ ឃត ឆាណុន ភេទប្រុស អាយុ 17 ឆ្នាំមានទីលំនៅភូមិអូម៉ាល់ សង្កាត់អូរម៉ាល់ ក្រុងបាត់ដំបង ខេត្តបាត់ដំបង។
-រង់របួសរយះដៃខាងស្ដាំប្រវែង 8 សង់ទីម៉ែត្រ
2ឈ្មោះ ជុំ ភក្រ្តា ភេទប្រុស អាយុ 15 ឆ្នាំមានទីលំនៅភូមិកំពង់សីមា សង្កាត់វត្តគរ ក្រុងបាត់ដំបងខេត្តបាត់ដំបង។
រងរបួសរយះក្បាលផ្នែកខាងលើដេកចំនួន 20 ថ្នេរ
វត្ថុតាងចាប់យករួមមាន ៖
– កាំបិតកែច្នៃចំនួន 1 ដើម
– កូនពូថៅចំនួន 1
តាមប្រភពព័ត៌មានបានឲ្យដឹងថាកាលពីថ្ងៃទី ១៨ ខែសីហាឆ្នាំ ២០១៩ វេលាម៉ោងប្រហែល ៦ និង០០ នាទី ជនរងគ្រោះនិងមិត្តភ័ក្រចំនួន 6 នាក់ បានទៅអង្គុយលេងនៅផ្លូវហាយវ៉េស្ថិតក្នុងភូមិកំពង់សីមា សង្កាត់វត្តគរ ក្រុងបាត់ដំបង ខេត្តបាត់ដំបង មកដល់វេលាម៉ោងប្រហែល៧ និង ០០ នាទី មានជនសង្ស័យមួយក្រុមជិះម៉ូតូចំនួន ៧ គ្រឿងមានគ្នាចំនួន ១៤ នាក់បានជិះទៅឆ្វែលមើលមុខជនរងគ្រោះ ពេលនោះជនរងគ្រោះក៏បានជិះម៉ូតូហួសទៅមុខបន្តិចស្រាប់តែជនសង្ស័យមួយក្រុមនោះបត់ម៉ូតូត្រឡប់ក្រោយបានដកពូថៅ កាំបិត និង បំពង់ទីបកាប់នឹង វាយទៅលើជនរងគ្រោះបណ្ដាលឲ្យរងរបួសដូចរៀបរាប់ខាងលើ។
បច្ចុប្បន្នការិយាល័យជំនាញកំពុងតែធ្វើការកសាងសំណុំរឿងដើម្បីបញ្ជូនទៅតុលាការដើម្បីចាត់ការតាមនីតិវិធី៕

 

Loading...

Leave a Reply

This site uses Akismet to reduce spam. Learn how your comment data is processed.