ផ្ទះ ព័ត៌មានជាតិ Updated៖ អគ្គ...

Updated៖ អគ្គិភ័យឆេះដេប៉ូ ទិញលក់ម៉ាស៊ីនទឹកត្រជាក់ អស់ទឹកប្រាក់ជិត៨ម៉ឺនដុល្លារ

0

ភ្នំពេញ: វេលាម៉ោង៨ និង៣៥នាទី ព្រឹកថ្ងៃទី១៦ ខែកញ្ញា ឆ្នាំ២០១៨ មានអគ្គិភ័យឆាបឆេះមួយកើតឡើង នៅផ្ទះលេខ ៩A។

ជនរងគ្រោះឈ្មោះ ម៉េង ទៀង ភេទស្រី អាយុ ៥៦ឆ្នាំ ដែលជាម្ចាស់ដេប៉ូ ទិញលក់,ជួល,ជួសជុល,លាងសម្អាតទូទឹកកក, ដំឡើងម៉ាស៊ីនត្រជាក់ ,ម៉ាស៊ីនបោកខោអាវ ,ម៉ាស៊ីនទឹកក្តៅ និងម៉ាស៊ីនទឹកត្រជាក់ ដែលមានយីហោ ម៉េងសុង (ម្ចាស់ឃ្លាំងលក់រថយន្ត និងម៉ូតូ)។

សម្ភារ:ខូចខាត៖
-ម៉ាស៊ីនត្រជាក់ទាំងចាស់ទាំងថ្មី
-ទូរទឹកកករថយន្តសាំយ៉ុង ១គ្រឿង
-រថយន្តកូរ៉េម៉ាកដេវ៉ូ ១គ្រឿង
-កន្លែងស្នាក់នៅខាងក្រោយឆេះអស់ ១កំណាត់
-រថយន្ត ១គ្រឿង រងការខូចខាតបន្តិចបន្តួចមួយកំណាត់ក្រោ។
-រថយន្តម៉ាកវ៉ល់វូ ១គ្រឿង
-ម៉ូតូ ១គ្រឿង
-គ្រឿងបន្លាស់រថយន្ត
-ម៉ូតូមួយចំនួនទៀត ដែលគេមិនទាន់ដឹងពីទំហំនៃការខូចខាតនៅឡើយនោះទេ។

ដំណើររឿង៖ តាមសេចក្តីរាយការណ៍ បឋមបានឱ្យដឹងថា ករណីអគ្គិភ័យឆាបឆេះ ឃ្លាំងស្តុកម៉ាស៊ីនត្រជាក់ និងឃ្លាំងលក់រថយន្ត បង្កឱ្យមានការភ្ញាក់ផ្អើល កាលពីល្ងាចម្សិលម៉ិញនេះ ដោយឃ្លាំងស្តុកម៉ាស៊ីនត្រជាក់ និងទូទឹកកកនោះ មានទំហំប្រមាណ ៨ម×១០ម ខូចខាតអស់ទឹកប្រាក់ប្រមាណចន្លោះពី ៧ម៉ឺនទៅ ៨ម៉ឺនដុល្លារ ចំណែកឃ្លាំងលក់រថយន្ត និងម៉ូតូមានទំហំប្រមាណ ១០ម×ជាង២០ម ស្ថិតពីមុខឃ្លាំងម៉ាស៊ីនត្រជាក់។

មូលហេតុ៖ គេនៅមិនទាន់ដឹងនោះទេ ប៉ុន្តែបើតាមអះអាងរបស់ ម្ចាស់ឃ្លាំងស្តុក ម៉ាស៊ីនត្រជាក់ បានឱ្យដឹងថា អគ្គិភ័យនេះឆាបឆេះ ចេញពីផ្នែកខាងលើ នៃឃ្លាំងលក់រថយន្ត ហើយក៏ឆេះរាលដាល ដល់ឃ្លាំងលក់ម៉ាស៊ីនត្រជាក់ របស់គាត់តែម្តង។

ដោយឡែក ប្អូនរបស់ម្ចាស់ឃ្លាំងលក់រថយន្តធ្វើការបដិសេធថា អគ្គិភ័យនេះ មិនបានឆាបឆេះចេញពីឃ្លាំងរបស់គាត់នោះទេ គឺឆាបឆេះចេញផ្នែកខាងក្រោយវិញ៕

Loading...

Leave a Reply

This site uses Akismet to reduce spam. Learn how your comment data is processed.