ផ្ទះ ព័ត៌មានជាតិ រថយន្តដឹកសាំង...

រថយន្តដឹកសាំង TOTAL បត់ឆ្លងផ្លូវមិនប្រយ័ត្ន ត្រូវរថយន្ត LXUS 350 បុកបណ្ដាលរងការខូចយ៉ាងដំណំ

0

ភ្នំពេញ: រថយន្តដឹកសាំងTOTAL បើកបត់ឆ្វេង ត្រូវរថយន្ត LEXUS មួយគ្រឿងបើកបោះយ៉ាងលឿន ជាន់មិនទាន់ជ្រុលទៅបុកពេញទំហឹង បណ្ដាលឲ្យរងការខូចខាតទាំងសងខាង នៅវេលាម៉ោង៣ និង៣០នាទីទៀបភ្លឺថ្ងៃទី១៧ ខែកញ្ញា ឆ្នាំ២០១៩ ស្ថិតតាមបណ្ដោយផ្លូវសហពន្ធ័រុស្សី ត្រង់ចំណុចមុខប៉ុស្តិ៏កាកាប ក្នុងសង្កាត់កាកាប១ ខណ្ឌពោធិ៏សែនជ័យ។

យោងតាមប្រភពពីកន្លែងកើតហេតុ បានឲ្យដឹងថា មុនពេលកើតហេតុគេឃើញ បុរសម្នាក់ បើករថយន្តដឹកសាំងរបស់ក្រុមTOTAL ពណ៌ស ពាក់ស្លាកលេខ ភ្នំពេញ3E 4895 បានបត់ឆ្លងផ្លូវមិនប្រយ័ត្ន ខណ:ពេលនោះស្រាប់តែមានរថយន្ត LEXUS RX350 ពណ៌ស ពាក់ស្លាកលេខ ភ្នំពេញ AQ 4895 បើកបរដោយបុរសម្នាក់ ក្នុងទិសដៅពី លិចទៅកើត មកដល់ចំណុចកើតហេតុ បានជ្រុលទៅបុកចំកង់ខាងមុខពេញទំហឹង បណ្ដាលរងការខូចខាតមួយកំណាត់មុខ។

ក្រោយកើតហេតុសមត្ថកិច្ចមូលដ្ឋាន បានចុះមកដល់ទីតាំងកន្លែងខាងលើ បានឲ្យភាគីទាំងពីរធ្វើការដោះស្រាយគ្នា ដោយសន្តិវិធី ដោយខាងរថយន្តដឹកសាំងTATOL ព្រមសងសំណងយករថយន្តរងគ្រោះ ទៅជួលជុលឡើងវិញដើម្បីបញ្ចប់រឿង៕

Loading...

Leave a Reply

This site uses Akismet to reduce spam. Learn how your comment data is processed.