ព័ត៌មានជាតិ

សមត្ថកិច្ច​ខេត្តសៀមរាប​ ឃាត់ខ្លួន​ជនជាតិ​កា​ណា​ដា​ ករណី​ហិង្សា​ ដោយ​ចេតនា​

សៀមរាប: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​២១​ ខែកញ្ញា​ ឆ្នាំ​២០១៩​ វេលា​ម៉ោង​១៨​និង​៣០​នាទី​ នៅ​ចំណុច​ហាង​ COZY​ BAR​ ស្ថិត​នៅ​ភូមិ​ មណ្ឌល​ ១​ សង្កាត់​ ស្វាយ​ដង្គំ​ ក្រុង​/​ខេត្តសៀមរាប​ ជនសង្ស័យ​ឈ្មោះ​ YVES​ GRAVAL​ ភេទ​ ប្រុស​ កើត​ថ្ងៃ​ទី​ ១០​ ខែមករា​ ឆ្នាំ​១៩៦៧​ ជនជាតិ​ កា​ណា​ដា​ មិន​មាន​លិខិតឆ្លងដែន​ជាប់​ខ្លួន​ មុខរបរ​ ចូល​និវត្តន៍​ ស្នាក់​នៅ​បន្ទប់​ជួល​ភូមិ​តា​ចេក​ សង្កាត់​ជ្រាវ​ ក្រុង​/​ខេត្តសៀមរាប​ បាន​ធ្វើ​សកម្មភាព​វាយ​ទៅ​លើ​ជន​រង​គ្រោះ​ចំនួន​ ០២​ដៃ​ បណ្តាល​ឲ្យ​រង​របួស​បែក​ចិញ្ចើម​ខាងឆ្វេង​ និង​មាត់​ត្រូវ​បាន​សមត្ថកិច្ច​ ជួយ​អន្តរាគមន៍​ និង​នាំ​ខ្លួន​មក​សាកសួរ​នៅ​ស្នងការដ្ឋាន​នគរបាល​ខេត្តសៀមរាប​ ។​

​ជន​រង​គ្រោះ​ឈ្មោះ​ LICARDO​ ZORAN​ ភេទ​ប្រុស​ កើត​ថ្ងៃ​ទី​ ១២​ ខែកញ្ញា​ ឆ្នាំ​១៩៧២​ ជនជាតិ​ ស្លូ​វ៉ា​នៀ​ កាន់​លិខិតឆ្លងដែន​លេខ​ PB១២៦៤៧៥៩​ មុខរបរ​ បុគ្គលិក​លក់​សំបុត្រ​យន្តហោះ​ ស្នាក់​នៅ​បន្ទប់​ជួល​ ភូមិ​វិហារ​ចិន​ សង្កាត់​ស្វាយ​ដង្គំ​ ក្រុង​/​ខេត្តសៀមរាប​។​

​តាម​ចម្លើយ​សារភាព​របស់​ជន​បង្ក បាន​និយាយ​ថា​:​ជន​រង​គ្រោះ​ជេរ​ប្រពន្ធ​របស់​ខ្លួន​ ហើយ​ជនសង្ស័យ​ក៏​ខឹង​ និង​ស្ទុះ​ទៅ​វាយ​តែ​ម្តង​។​

​បច្ចុប្បន្ន​ជនសង្ស័យ​រូប​នេះ​ត្រូវ​បាន​លោក​ កើត​ វ​ណ្ណា​រ៉េ​ត​ ព្រះរាជអាជ្ញា​អម​សាលាដំបូង​ខេត្តសៀមរាប​ សម្រេច​ឲ្យ​ឃាត់ខ្លួន​បណ្តោះអាសន្ន​នៅ​ស្នងការដ្ឋាន​នគរបាល​ខេត្តសៀមរាប ​ដើម្បី​រៀបចំ​កសាង​សំណុំរឿង​បញ្ជូន​ទៅ​សាលាដំបូង​ខេត្តសៀមរាប​ចាត់ការ​បន្ត​តាម​នីតិវិធី​៕

មតិយោបល់