ផ្ទះ ព័ត៌មានជាតិ ជិះម៉ូតូឌុបគ្...

ជិះម៉ូតូឌុបគ្នាលឿនដូចហោះបុកគោយន្តស្លាប់ និងរងរបួសធ្ងន់ស្រាល ៤នាក់

0

បាត់ដំបង: កាលពីថ្ងៃទី៣០ ខែកញ្ញា ឆ្នាំ២០១៩ វេលាម៉ោង ៧និង០០នាទីយប់ មានករណីគ្រោះថ្នាក់ចរាចរណ៍ម៉ូតូបុកគោយន្ត ស្ថិតត្រង់ចំណុចក្រុមទី៤៨ ភូមិទួលព្រំ១ ស្រុកមោងឫស្សី ខេត្តបាត់ដំបង។

ដំណើររឿង៖ មុនពេលកើតហេតុគេឃើញម៉ូតូ១គ្រឿងម៉ាក ហុងដាឌ្រីម ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ បាត់ដំបង1T-0351
បើកបរដោយឈ្មោះ ឌុង ប៉ាវ ភេទប្រុស អាយុ ១៩ឆ្នាំ(ស្លាប់) រស់នៅភូមិទួលព្រំ១ ឃុំកកោះ ស្រុកមោងឫស្សី ជិះឌុបគ្នា០២នាក់
១.ឈ្មោះ ត ទើប ភេទប្រុស អាយុ ២០ឆ្នាំ(របួសធ្ងន់) រស់នៅភូមិទួលព្រំ១ឃុំកកោះ។
២.ឈ្មោះ ភីន ឆក ភេទប្រុស​អាយុ ១៨ឆ្នាំ(របួសធ្ងន់) រស់នៅភូមិទួលព្រំ១​ ឃុំកកោះ ធ្វើដំណើរពីទិសខាងផ្លូវជាតិលេខ៥ មុខទៅភូមិទួលអំពិល(ពីលិចទៅកើត) លុះមកដល់ចំនុចខាងលើ បានបុកគោយន្ដកន្ត្រៃមួយគ្រឿងម៉ាកគូបូតា មានសណ្ដោងរឺម៉កបើកបរដោយឈ្មោះ ចេវ វិចិត្រ ភេទប្រុស អាយុ ២៥ឆ្នាំ រស់នៅភូមិទួលព្រំ១ ឃុំកកោះ ស្រុកមោងឫស្សី ដែលកំពុងបើកបរច្រាស់ទិសគ្នា។

មូលហេតុ៖ កង់គោយន្តខាងឆ្វេងចូលស្តាំខាងម៉ូតូ ចំណែកម៉ូតូមានល្បឿនលឿន។

ក្រោយពេលកើតហេតុសមត្ថកិច្ច ចុះវាស់វែងយកវត្ថុតាងទៅរក្សាទុក នៅអធិការដ្ឋាន ដើម្បីកសាងសំណុំរឿងតាមនីតិវិធី ចំណែកអ្នករងរបួសធ្ងន់ស្រាល ត្រូវបានបញ្ជូនទៅសម្រាកព្យាបាលនៅមន្ទីរពេទ្យ រីឯអ្នកស្លាប់ ប្រគល់សបជូនក្រុមគ្រួសារយកទៅធ្វើបុណ្យតាមប្រពៃណី៕

Loading...

Leave a Reply

This site uses Akismet to reduce spam. Learn how your comment data is processed.