រតនគីរីៈ ភ្ញាក់ផ្អើល ពេលឃើញសារលើបណ្ដាញសង្គម Facebook មុនពេលដែលជនដៃដល់ បានធ្វើសកម្មភាពបាញ់សម្លាប់ជនរងគ្រោះ គឺករណីឃាតកម្មគិតទុកជាមុន នៅក្នុងហាងកាហ្វេ ស្ថិតក្នុងសង្កាត់បឹងកន្សែង ក្រុងបានលុង ខេត្តរតនគិរី កាលពីវេលាម៉ោង៩ និង២០នាទី។

ជនសង្ស័យឈ្មោះ នួន មករា (ហៅក្រឹម) ភេទប្រុស អាយុ៣១ឆ្នាំ ជនជាតិខ្មែរ មុខរបរនគរបាល មានទីលំនៅភូមិជ័យជំនៈ សង្កាត់ឡាបានសៀក ក្រុងបានលុង ខេត្តរតនគិរី (ជាមិត្តភក្ដិជនរងគ្រោះ) ។ ជនរងគ្រោះឈ្មោះ ផន ទុំ មានតួនាទីជា នាយរងការិយាល័យព្រហ្មទណ្ឌ កម្រិតស្រាល នៃស្នងការដ្ឋាននគរបាលខេត្តរតនគិរី។

បច្ចុប្បន្ន ត្រូវបានឃាត់ខ្លួននៅស្នងការដ្ឋាន ដើម្បីកសាងសំណុំរឿង ចាត់ការតាមនីតិវិធី៕