ត្បូងឃ្មុំៈ កាលពីថ្ងៃទី៧ ខែតុលា ឆ្នាំ២០១៩ វេលាម៉ោង១៧និង៣៩នាទី កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋានននគរបាលស្រុកមេមត់ សហការជាមួយកម្លាំងប៉ុស្តិ៍នគរបាលរដ្ឋបាលជាំក្រវៀន បានចុះអនុវត្តន៏ដីកាលេខ /៨៣៧
ចុះថ្ងៃទី១៨ ខែតុលា ឆ្នាំ២០១៨ ចេញដោយលោកឡុង ឡៅ ចៅក្រមជំនុំជំរះសាលាដំបូងខេត្តត្បូងឃ្មុំ បង្គាប់ឲ្យចាប់ខ្លួខជនជាប់ចោទឈ្មោះ ចាន់ ភារុណ ហៅចែម ភេទប្រុស អាយុ ២៦ឆ្នាំ ស្រុកកំណើតនៅភូមិ៣១ ឃុំតាអុង ស្រុកចំការលើ ខេត្តកំពង់ចាម បច្ចុប្បន្នស្នាក់ នៅភូមិខ្ជាយ ឃុំជាំក្រវៀន ស្រុកមេមត់ ខេត្តត្បូងឃ្មុំ ពីបទៈ ជួញដូរដោយខុសច្បាប់នូវ សារ ធាតុញៀនដែលបានប្រព្រឹត្តកាលពីថ្ងៃទី ១៤ ខែមីនា ឆ្នាំ២០១៨ នៅចំណុចភូមិខ្ជាយឃុំជាំក្រវៀន ស្រុកមេមត់ ខេត្តត្បូងឃ្មុំ ។

បច្ចុប្បន្នជនសង្ស័យត្រូវចោទ សមត្ថកិច្ចបានឃាត់ ខ្លួននិងបញ្ជូនមកអធិការដ្ឋាននគរបាលស្រុក ដើម្បីបំពេញបែបបទបញ្ជូនទៅតុលាការចាត់ ការតាមនីតិវិធី៕