ព័ត៌មានជាតិ

បែនដឹកដីបើកលឿនជ្រុលទៅបុករបងវត្ត អង្គស្ដុក បណ្ដាលឲ្យបាក់រាបដល់ដី

ភ្នំពេញ: នៅថ្ងៃទី១១ ខែតុលា ឆ្នាំ២០១៩ ចំណុចផ្លូវបេតុងវត្តអង្គស្តុក ភូមិត្រពាំងពោធិ៍ សង្កាត់ឪឡោក ខណ្ឌកំបូល រាជធានីភ្នំពេញ មានករណី រថយន្តបែនដឹកដីមួយគ្រឿង បើកយ៉ាងលឿន ខណ:មកដល់ចំណុចកើតហេតុ ក៏ស្រាប់តែរេចង្កូតធ្លាក់ផ្លូវ ទៅបុករបងវត្ត «អង្គស្ដុក» បណ្ដាលឲ្យរងការខូចខាត បាក់របងវត្ត បាក់ដាច់រាចដល់ដីតែម្តង។

តាមប្រភពព័ត៌មាន បានឲ្យដឹងថា នៅមុនពេលកើតហេតុ គេបានឃើញរថយន្តបែនដឹកដីមួយគ្រឿងខាងលើ បានបើកបរក្នុងល្បឿនលឿន ខណ:មកដល់ចំណុចកើតហេតុ ស្រាប់តែរេចង្កូតធ្លាក់ផ្លូវ រួចជ្រុលទៅបុករបងវត្តអង្គស្តុក បណ្ដាលឲ្យបាក់ខ្ទេចតែម្ដង។

ក្រោយកើតហេតុ ភាគីខាងរថយន្ត និងគណ:កម្មការវត្ត បានធ្វើការចរចាដោយភាគី ខាងរថយន្តធ្វើការជួសជុលរបងជូនវត្តវិញនិងបញ្ចប់រឿងនៅកន្លែងកើតហេតុ៕

 

មតិយោបល់