ព្រៃវែង: កុមារីម្នាក់បានលង់ទឹកលង់ទឹកស្លាប់ នៅពេលដើររកក្តាមជាមួយបងប្អូនជីដូនមួយ នៅព្រឹកថ្ងៃទី១៨ ខែតុលា ឆ្នាំ២០១៩ វេលាម៉ោង ១១និង៣០នាទី ចំណុចតាមផ្លូវទំនប់ខាងលិចភូមិតាណាល ឃុំជ្រៃឃ្មុំ ស្រុកស៊ីធរកណ្ដាល ខេត្តព្រៃវែង។
ជនរងគ្រោះឈ្មោះ ភាព ស្រីម៉ី ភេទស្រី អាយុ ១២ឆ្នាំ មានទីលំនៅភូមិ-ឃុំកើតហេតុខាងលើបានចេញទៅរកក្ដាមជាមួយឈ្មោះ ពាជ លីតា ភេទស្រី អាយុ ៦ឆ្នាំ ត្រូវជាប្អូនជីដូនមួយ ស្រាប់តែដល់កន្លែងកើតហេតុ រអិលជើងធ្លាក់ទឹកជ្រៅលង់បណ្ដាលឲ្យស្លាប់តែម្ដង។
យោងតាមការបំភ្លឺកុមារី ពាជ លីតា បានឃើញរត់មកហៅ ចាស់ៗ ទៅជួយតែទម្រាំចាស់ៗទៅដល់ជនរងគ្រោះបានស្លាប់បាត់ទៅហើយ។ ផ្អែកតាមការបំភ្លឺរបស់ឪពុកម្ដាយ ក្មេងរងគ្រោះ និងផ្អែកតាមការពិនិត្យរបស់សមត្ថកិច្ចពិនិត្យឃើលថា សាកសពជនរងគ្រោះពិតជាស្លាប់ដោយលង់ទឹក ដោយខ្លួនឯងពិតមែន រួចប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់