ព័ត៌មានជាតិ

នគរបាលឃាត់ខ្លួនជនសង្ស័យម្នាក់ ករណីភ្ជង់យកលុយ ១,០០០ដុល្លារ នៅខេត្តកណ្ដាល

កណ្តាល: កាលពីថ្ងៃទី២៣ ខែតុលា ឆ្នាំ២០១៩ វេលាម៉ោង ២៣និង០០នាទី មានករណីលួចចំណុចភូមិតាកែវទី២ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល ។

ជនរងគ្រោះឈ្មោះ រ៉េត ម៉េងស័ង ភេទស្រី អាយុ ១៩ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំកើតហេតុ (បាត់បង់ប្រាក់ ១,០០០$)។
ជនសង្ស័យឈ្មោះ នី វឿន ភេទប្រុស អាយុ ៥៥ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំកើតហេតុ (ឃាត់ខ្លួន)។

វត្ថុតាងចាប់យក៖ គ្មាន

សភាពរឿងហេតុ៖ រយ:ពេលជាង ១០ថ្ងៃ មកហើយឈ្មោះ ចិន ពៅ បានលែងលះពីប្តីខ្លួនឈ្មោះ នី វឿន ហើយឈ្មោះ នី វឿន បានទៅស្នាក់នៅផ្ទះកូននៅស្រុកកំណើតភូមិត្បូងដំរី ឃុំកំពង់ចម្លង ស្រុកខ្សាច់កណ្តាល ឯឈ្មោះ ចិន ពៅ នៅផ្ទះម្នាក់ឯង ប៉ុន្តែដោយឈ្មោះ នី វឿន ឧស្សាហ៍មកហៅ គោះទ្វារឡើងផ្ទះពេលយប់ច្រើនដង ទើបឈ្មោះ ចិន ពៅ មកសុំផ្ទះជនរងគ្រោះ ដែលជាប់ផ្ទះខ្លួនស្នាក់នៅពេលយប់ ។
លុះដល់ថ្ងៃទី ២៣ ខែតុលា ឆ្នាំ២០១៩ ម៉ោង ២០និង០០នាទី ឈ្មោះ ចិន ពៅ បានឡើងទៅដេកនៅលើផ្ទះឈ្មោះ រ៉េត ម៉េងស័ង ឯឈ្មោះ រ៉េត ម៉េងស័ង ដេកក្នុងបន្ទប់លើផ្ទះជាមួយប្តីខ្លួនហើយបិទគន្លឹះពីក្នុង ។ ដល់ម៉ោង ២៣និង០០នាទីយប់ថ្ងៃដដែល ឈ្មោះ នី វឿន បានឡើងទៅលើផ្ទះឈ្មោះ រ៉េត
ម៉េងស័ង ហើយយកកូនកាំបិតចិតបន្លែភ្ជង់ឈ្មោះ ចិន ពៅ កុំឲ្យស្រែក និងសួរថា មានលុយអត់ ឈ្មោះ ចិន ពៅ ឆ្លើយថា គ្មានទេ បន្ទាប់មកឈ្មោះ នី វឿន រើកកាយក្នុងទូរកញ្ចក់លួចយកលុយចំនួន ១,០០០$ ហើយបើកទ្វាររត់ចុះមកដីស្របពេលនោះឈ្មោះ រ៉េត ម៉េងស័ង បើកទ្វារបន្ទប់ចេញមក ឈ្មោះ ចិន ពៅ ប្រាប់ថា ប្តីគាត់លួចលុយ ហើយរត់បាត់ហើយ។
នៅថ្ងៃទី២៤ ខែតុលា ឆ្នាំ២០១៩ ម៉ោង ៨និង០០នាទី ជនរងគ្រោះ បានទៅដាក់ពាក្យបណ្តឹងនៅប៉ុស្តិ៍នគរបាលវិហារសួគ៌ សមត្ថកិច្ចជំនាញស្រុក សហការជាមួយកម្លាំងប៉ុស្តិ៍ចុះស្រាវជ្រាវឃាត់ខ្លួនជនសង្ស័យ បញ្ជូនមកអធិការដ្ឋាននគរបាលស្រុក ។

យោងតាមចម្លើយសារភាពពីជនសង្ស័យបានបញ្ជាក់ថា៖ ខ្លួនពិតជាបានលួចលុយរបស់ឈ្មោះ រ៉េត ម៉ែងស័ង ប្រាកដមែន ។
ករណីនេះ សមត្ថកិច្ចបន្តចាត់ការតាមនីតិវិធី៕

មតិយោបល់