កំពង់ចាមៈ យោងតាមផេកនាយកដ្ឋានផ្សព្វផ្សាយអប់រំបានឲ្យដឹងថា នៅថ្ងៃទី៥ ខែធ្នូ ឆ្នាំ២០១៩ បន្ទាប់ពីទទួលបានព័ត៌មានពីប្រជាពលរដ្ឋភ្លាម លោក ឯម កុសល ស្នងការនគរបាលខេត្តកំពង់ចាម បានចាត់បញ្ជាឲ្យកម្លាំងជំនាញការិយាល័យប្រឆាំងគ្រឿងញៀន ជាមួយកម្លាំងជំនាញស្រុក កំពង់សៀម និងកម្លាំងជំនាញក្រុងកំពង់ចាម ដឹកនាំដោយលោកវរសេនីយ៍ទោ ជីវ សេងរស់ នាយការិយាល័យប្រឆាំងគ្រឿងញៀន បើកកិច្ចប្រតិបត្តិការចុះបង្រា្កបករណីជួញដូរ និងប្រើប្រាស់ដោយខុសច្បាប់នូវសារធាតុញៀនបាន ០១ករណី ឃាត់ខ្លួនជនសង្ស័យចំនួន ៤នាក់ ស្ថិតនៅចំណុច ភូមិត្រកួន ឃុំក្រឡា ស្រុកកំពង់សៀម ខេត្តកំពង់ចាម។
ជនសង្ស័យចំនួន ០៤នាក់មានឈ្មោះដូចខាងក្រោម៖
១. ស្រ៊ុន ស្រស់ ភេទប្រុស អាយុ ១៩ឆ្នាំ នៅភូមិត្រពាំងជ្រៃ ឃុំក្រឡា ស្រុកកំពង់សៀម ខេត្តកំពង់ចាម។
២. ផល បូទី ភេទប្រុស អាយុ ១៩ឆ្នាំ នៅភូមិស្រឡៅ ឃុំអំពិល ស្រុកស្ទឹងត្រង់ ខេត្តកំពង់ចាម។
៣- ឯម បុរី ភេទប្រុស អាយុ ៣៥ឆ្នាំ ជាតិខ្មែរ នៅភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម។
៤- គាន ណេង ភេទប្រុស អាយុ ៣៦ឆ្នាំ ជាតិខ្មែរ នៅភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម។
ដកហូតវត្ថុតាង៖
-ម្សៅក្រាមពណ៌សសង្ស័យថ្នាំញៀនចំនួន ២៩កញ្ចប់
-ទូរស័ព្ទ ៨គ្រឿង
-ម៉ូតូ ១គ្រឿង
-ផាស់អាប់ ១គ្រឿង
-រថយន្ត ១គ្រឿង៕
មតិយោបល់