កំពង់ចាមៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពីវេលាម៉ោង ១៥ និង ៤០នាទី ថ្ងៃទី៥ ខែធ្នូ ឆ្នាំ២០១៩ កម្លាំងជំនាញបានចុះបង្ក្រាបករណីបើក និងលេងល្បែងស៊ីសងខុសច្បាប់មួយកន្លែង ឃាត់ខ្លួនជនសង្ស័យម្នាក់ ស្ថិតភូមិពង្រ ឃុំស្តើងជ័យ ស្រុកជើងព្រៃ ខេត្តកំពង់ចាម។

ជនសង្ស័យឈ្មោះ កែម លីណា ភេទប្រុស អាយុ ៣៣ ឆ្នាំ ជាតិខ្មែរ មានទីលំនៅភូមិពង្រ ឃុំស្តើងជ័យ ស្រុកជើងព្រៃ ខេត្តកំពង់ចាម។

វត្ថុតាងដកហូតបាន៖
-សៀវភៅកត់លេខឆ្នោតវៀតណាមចំនួន៣ក្បាល
-ក្រដាស់កត់កន្ទុយលេខចំនួន១៩សន្លឹក
-ម៉ាស៊ីនគិតលេខចំនួន១គ្រឿង
-ក្រដាស់កាបោនចំនួន៤សន្លឹក
-ទូរស័ព្ទម៉ាក ហូវៃ ចំនួន២គ្រឿង (ពណ៌ខ្មៅចំនួន១គ្រឿង និងពណ៌ទឹក ប្រាក់ចំនួន១គ្រឿង)
-ប៊ិកចំនួន១ដើម
-ប្រាក់រៀលចំនួន ១.០៨៨.០០០រៀល (មួយលានប្រាំបីម៉ឺនប្រាំបីពាន់រៀល)

ក្រោយឃាត់ខ្លួន ជនសង្ស័យត្រូវសមត្ថកិច្ច បញ្ជូនទៅកាន់ស្នងការដ្ឋាននគរបាលខេត្តកំពង់ចាម ដើម្បីកសាងសំណុំរឿងតាមនីតិវិធី៕